Popular Bible Verses from Roma 14

Share

Auā o le Mālō o le Atua e lē o mea e ‘ai po o mea e inu; a o le amiotonu, ma le filemū, ma le ‘oli‘oli i le Agaga Pa‘ia. Auā o lē ‘ua ‘au‘auna atu ‘iā Keriso i ia mea, ‘ua fiafia i ai le Atua, ma ‘ua ta‘uleleia fo‘i o ia e tagata.

‘Āfai tatou te ola, tatou te ola mo le Ali‘i; ‘āfai fo‘i tatou te oti, tatou te oti mo le Ali‘i; o lenei, pe tatou te ola pe tatou te oti, o tagata lava o le Ali‘i i tatou.

O lea la, ‘ia tatou tausisi i mea e tupu ai le filemū, ma mea e fefa‘amafanafanaa‘i ai.

O lenei, ‘aua tatou te fefa‘amasinoa‘i, a ‘ia manatua le mea lenei: ‘aua ne‘i faia e se isi se mea e ta‘ita‘isesēina ai pe tautevateva ai lona uso.

Auā ‘ua tusia: “ ‘Ua fetalai mai le Ali‘i, ‘ou te ola a‘u, e to‘otuli mai ‘iā te a‘u tulivae uma lava, e ta‘uta‘u fo‘i e laulaufaiva uma lava le Atua.” O lea, e ta‘ito‘atasi i tatou uma ma fa‘amatala atu lana amio i le Atua.

‘Ia ‘outou talia lelei le tagata vaivai i le fa‘atuatua, ‘ae ‘aua le fefinaua‘i ma ia ‘ona o nisi mafaufauga.

O ai ‘ea oe ‘e te fa‘amasinoina ai fua le ‘au‘auna a le isi? O le matai lava o lea ‘au‘auna na te fa‘amasinoina o ia, i lona tumau po o le pa‘ū fo‘i i luma o le matai; ‘ae fa‘atumauina lava lea ‘au‘auna, auā e mafai e le Atua ‘ona fa‘atumau o ia.