Popular Bible Verses from Roma 12

Share

‘Aua tou te loto atu i lenei lalolagi, a ‘ia liliuina ‘outou i le toe fuata‘iina o ‘outou loto, ‘ina ‘ia ‘outou su‘esu‘e po o le ā le finagalo o le Atua, a o le ā fo‘i le mea e lelei, ma logoleleia, ma ‘ato‘atoa.

O lenei, uso e, ‘ou te ‘ai‘oi atu ‘iā te ‘outou, ‘ona o le alofa mutimutivale o le Atua, ia ‘outou tu‘uina atu o ‘outou tino i le Atua, o le taulaga ola ma le pa‘ia ma le logoleleia, o la ‘outou tapua‘iga fa‘aleagaga lenā.

‘Ia ‘oli‘oli i le fa‘amoemoe, ia ‘onosa‘i i le puapuagā, ia finafinau i le tatalo.

‘Aua ne‘i fa‘ato‘ilaloina oe i le leaga, a ‘ia ē fa‘ato‘ilaloina le leaga i le lelei.

‘Ia ‘outou fealofani i le alofa moni fa‘auso; ia tausolomua i le tasi ‘ona āva i le isi.

‘Aua le fa‘atagā alofa; ia ‘ino‘ino i le leaga, ‘ae pipi‘i i le lelei.

‘Ia ‘outou nonofo lelei ma tagata uma lava, pe ‘āfai e mafai.

Le au pele e, ‘aua le taui atu ma sui, a ‘ia ‘outou tu‘u atu i le to‘asā, auā ‘ua tusia, ‘ua fa‘apea mai le Ali‘i: “O ‘iā te a‘u le taui ma sui, ‘ou te taui atu.”

‘Aua le fa‘avaivai i le tauiviga, a ‘ia malosi le loto ma ia ‘au‘auna i le Ali‘i.

Auā o le alofa tunoa ‘ua tu‘uina mai ‘iā te a‘u, ‘ou te fai atu ai ‘iā te ‘outou uma, ‘aua ne‘i fa‘asili le manatu o se tasi ‘iā te ia lava, a ‘ia manatu ifo ma le loto maulalo ‘iā te ia lava, e tusa ma le fua o le fa‘atuatua o tagata ta‘ito‘atasi, e pei ‘ona tofusia ai mai le Atua.

‘Aua le taui atu le leaga i le leaga i se isi; a ‘ia sauni lelei mea e tusa ai i luma o tagata uma lava.

‘Ia ‘outou loto gatasi; ‘aua le manatu fa‘amaualuga; ia feoa‘i ma ē e fa‘amaulalo; ‘aua tou te manatu fa‘afiapopoto.

O lenei, a matelaina le ‘ua ita mai ‘iā te oe, fafaga ‘iā te ia; a fia inu fo‘i, ia e fa‘ainu ‘iā te ia; auā o le amio fa‘apea e fa‘afaupu‘e ai malala ola i luga o lona ulu.

‘Ia fa‘amanuia atu i ē ‘ua fa‘asauā mai ‘iā te ‘outou; ia fa‘amanuia i ai, ‘ae ‘aua le fetu‘uina. ‘Ia ‘outou ‘oli‘oli fa‘atasi ma ē ‘ua ‘oli‘oli, ia ‘outou fētāgisi fo‘i fa‘atasi ma ē ‘ua fētāgisi.

‘Ia tufatufa atu ni a ‘outou mea mo le mativa o le au pa‘ia, ma ‘ia tausisi i le alofa i tagata ‘ese.

Auā fa‘apei o itūtino e tele i le tino e tasi, ‘ae lē tasi sa latou galuega e fai; a fa‘apenā i tatou nei e to‘atele, ‘ua tino e tasi ‘iā Keriso, ma ‘ua nonofo fa‘afeagai itūtino ta‘itasi.