Popular Bible Verses from Mareko 5

Share

‘Ua fetalai atu Iesu ‘iā te ia, “Lo‘u afafine e, ‘ua e ola i lou fa‘atuatua. Alu ia ma le manuia ma ‘ia e mālōlō i lou ma‘i tigā.”

Sa i ai le fafine na maua i le ma‘i puna toto i tausaga e sefulu ma le lua, sa matuā tigāina o ia i togafitiga a foma‘i e to‘atele; ‘ua uma ai fo‘i ana tupe, ‘ae le‘i manuia ai lava; ‘ua na ‘ona fa‘ateleina ai lona ma‘i.

Na uma i lea lava taimi lona puna toto, ‘ua lagona fo‘i le malosi o lona tino.

‘Ona tago lea o Iesu i lona lima ma fetalai atu, “Talita kumi;” o lona uiga, “Lo‘u afafine e, tu ia i luga.”

A o fetalai atu Iesu i lenā ‘upu, na ō mai nisi ‘au‘auna ma fai mai i lo latou matai o Iairo, “ ‘Ua oti lou afafine. Soia ‘e te fa‘alavelave i le a‘oa‘o.” E le‘i amana‘ia e Iesu a latou ‘upu. ‘Ua fetalai atu o ia, “ ‘Aua ‘e te māsalosalo, tau lava ‘ina e fa‘atuatua.”

‘Ua ala ‘ona ‘ai‘oi mai o ia fa‘apea ‘ona sa fai atu Iesu i le agaga e alu i fafo mai le tagata. ‘Ona fesili atu lea o Iesu ‘iā te ia, “O ai lou igoa?” ‘Ua tali mai o ia, “O le ‘Au, auā e to‘atele i matou.”