Popular Bible Verses from Mareko 2

Share

‘Ua lagona e Iesu a latou ‘upu, ‘ona fetalai atu lea o ia, “E lē o tagata soifua mālōlōina a o tagata mama‘i e mana‘omia le foma‘i. ‘Ou te le‘i sau e vala‘au i ē e amiotonu a o ē e agasala.”

‘Ua silafia e Iesu le malosi o lo latou fa‘atuatua ‘ona fetalai atu lea o ia i le tagata ma‘i, “Lo‘u atali‘i e, ‘ua fa‘amāgaloina au agasala.”

‘Ona toe fetalai atu lea o ia, “ ‘Ua faia le Sapati mo le lelei o tagata, ‘ae lē o le tagata mo le Sapati.

‘Ua lē mafai ‘ona ‘aumaia o ia e i latou ‘iā Iesu ‘ona o le tumu o tagata, ‘ona ō a‘e lea o i latou i le falealuga ma tatala le ufiufi o le fale i luga a‘e tonu o le mea o lo‘o i ai Iesu. ‘Ua uma lea, ‘ona tu‘utu‘u ifo ai lea e i latou le fala o lo‘o ta‘oto ai o ia.

A o le fa‘amaoniga lenei ‘ia ‘outou iloa ai o lo‘o i le Atali‘i o le Tagata i le lalolagi le pule e fa‘amāgaloina ai agasala.” Na fa‘apea atu loa o ia i le tagata ma‘i, “ ‘Ou te fai atu ‘iā te oe, tu ia i luga, ‘ave lou moega ma alu i lou ‘āiga.”

O lē fea o mea nei e sili ‘ona faigofie, o le fai atu i le tagata ma‘i, ‘ ‘Ua fa‘amāgaloina au agasala,’ po o le fai atu, ‘Tu ia i luga, ‘ave lou moega ma alu loa?’

‘Ona tula‘i ai lea o le tagata ma‘i i o latou luma, ‘ua ‘ave lona moega ma alu ‘ese loa. Sa matuā ofo i latou ma vivi‘i atu i le Atua, ‘ua fai ane, “Fa‘ato‘ā tatou va‘ai lava lea i se mea uiga ‘ese fa‘apenei!”