Popular Bible Verses from Iakopo 2

Share

E fa‘apenā lava le fa‘atuatua. ‘Āfai e leai ni galuega e fa‘atino ai, ‘ae na o ‘upu, e mate lava.

Auā fa‘apei ‘ona oti le tino pe a aunoa ma le agaga, e fa‘apea fo‘i ‘ona mate le fa‘atuatua pe a leai ni galuega.

O‘u uso e, se ā le aogā i le tagata ‘ua fai mai, “ ‘Ua ‘iā te a‘u le fa‘atuatua” ‘ae lē fa‘amaonia i ni ana galuega? E mafai ‘ea e lona fa‘atuatua ‘ona fa‘aolaina o ia?

‘Ua e talitonu e to‘atasi lava le Atua? ‘Ua lelei lava lea. E o‘o lava fo‘i i temoni e talitonu i lenā mea, ma ‘ua tetemū i latou i le fefefe.

‘Ae a fai mai se isi, “ ‘Ua ‘iā te oe le fa‘atuatua a ‘ua ‘iā te a‘u galuega.” Inā fa‘aali mai ia ‘iā te a‘u lou fa‘atuatua e aunoa ma galuega, o le a ‘ou fa‘aali atu fo‘i ‘iā te oe lo‘u fa‘atuatua i a‘u galuega.

Auā e lē fa‘aalia le alofa o le Atua pe a fa‘amasinoina le tagata lē alofa; ‘ae ui i lea, e manumālō le alofa i le fa‘amasinoga.

‘Ua ‘outou iloa e ta‘uamiotonuina le tagata i galuega ‘ae lē na o le fa‘atuatua.

‘E te le‘i iloa ‘ea na galulue fa‘atasi lona fa‘atuatua ma ana galuega? Na fa‘a‘ato‘atoaina lona fa‘atuatua i le mea na faia e ia.