Popular Bible Verses from 1 Peteru 1

Share

‘Ia fa‘afetaia le Atua, le Tamā o lo tatou Ali‘i o Iesu Keriso. O lona lava alofa tunoa, na tu‘uina mai ai e ia ‘iā te i tatou le ola fou, i lona toe fa‘atūina mai o Iesu Keriso nai le oti; ma ‘ua fa‘atūmuina ai i tatou i le fa‘amoemoe ola, ia i‘u i le tofi e lē pala, e leai se leaga o i ai, e lē mavae lava, o lo‘o teuina mo ‘outou i le lagi.

‘Ia ‘outou ‘oli‘oli i le mea lenei, e ui lava ‘ina tatau ‘ona fa‘anoanoa ‘outou mo sina taimi itiiti ‘ona o le tele o tofotofoga tou te mafatia ai. O le tofotofoina o lo ‘outou fa‘atuatua e sili atu i lo le auro e fa‘aumatia, e ui lava ‘ina tofotofoina i le afi. ‘Āfai e fa‘amaoni lo ‘outou fa‘atuatua, e sili atu lona aogā i lo le auro; auā o le a aumai ‘iā te ‘outou le vi‘iga ma le mamalu ma le manuia, pe a fa‘aali mai Iesu Keriso.

‘Ae pei ‘ona pa‘ia lē na vala‘auina ‘outou, e tatau fo‘i ‘ona pa‘ia ‘outou i so o se vaega o lo ‘outou olaga. ‘Ia ‘outou manatua le mea ‘ua fai mai ai le Tusi, “ ‘Ia pa‘ia ‘outou auā e pa‘ia lava a‘u.”

‘Ia ‘avea ‘outou ma fānau usiusita‘i, ma ‘aua ne‘i toe pulea a ‘outou amio e mana‘o na ‘iā te ‘outou a o vālea ‘outou.

O le mea lea, ia mataala ma fa‘autauta. ‘Ia tu‘uina atu ‘ato‘atoa lo ‘outou fa‘amoemoe i le alofa tunoa e ‘aumaia e Iesu Keriso ‘iā te ‘outou pe a fa‘aalia mai o ia.

Auā, “O tagata uma e pei o le mutia, o le matagofie fo‘i o tagata e pei o le fuga o le vao. E magumagu le mutia, e to‘ulu fo‘i ona fuga; a o le afioga a le Ali‘i e tumau lea e fa‘avavau.”