Popular Bible Verses from 1 Ioane 2

Share

‘Aua tou te manana‘o i le lalolagi po o mea o le lalolagi. ‘Āfai e alofa se isi i le lalolagi, e lē o ‘iā te ia le alofa i le Tamā. O mea uma o i le lalolagi, o tu‘inanau o le tino, ma tu‘inanau o mata ma le fa‘alialia o lenei olaga, e lē mai le Tamā ia ‘ae mai le lalolagi.

E mavae atu le lalolagi ma ona tu‘inanau, a o lē e faia le finagalo o le Atua e tumau e fa‘avavau.

O lē e fai mai o lo‘o tumau o ia ‘iā te ia, e tatau ‘ona ola o lea tagata fa‘apei ‘ona ola o Keriso.

La‘u fānau e, ‘ou te tusi atu lenei mea ‘iā te ‘outou ‘ina ne‘i ‘outou agasala; ‘ae ‘āfai e agasala se isi, ‘ua ‘iā te i tatou lē e amiotonu, o lo‘o fautua i le Tamā, o Iesu Keriso lava lea.

‘Āfai e fai mai se isi, “ ‘Ua ‘ou iloa o ia,” ‘ae lē tausia ana poloa‘iga, ‘ua pepelo lava lea tagata, e lē o ‘iā te ia fo‘i le ‘upu moni.

‘Āfai tatou te tausia ana poloa‘iga, ‘ua tatou mautinoa ‘ua tatou iloa o ia.

O lē e fai mai ‘ua ‘iā te ia le malamalama ‘ae ita i lona uso, o lo‘o i le pouliuli lava ia e o‘o mai i aso nei.

O ai ‘ea le tagata pepelo? O ia lea ‘ua fai mai e lē o Iesu le Keriso. O lē fo‘i e fa‘afitia le Tamā ma le Alo, o le fili o ia o Keriso.

Auā o lē e fa‘afitia le Alo, ‘ua fa‘afitia fo‘i e ia le Tamā; o lē e fa‘aali le Alo, ‘ua ‘iā te ia fo‘i le Tamā.