Popular Bible Verses from Matiye 7

Share

'Yɛwe mə, katekemave yɛ, zele mə, katesləyi yɛ, tsa mə mɛa cɛ, katepele ŋayɛ ŋkwa mbeli.

Kwa nza ŋkɛ ma yayata wəndə nya ke'yɛwe wəsə ne, katekemave ŋkɛ, nya kezele ne, katesləyi ŋkɛ, katepele nda ŋkwa mbeli ke wəndə nya kemɛ kwa degha.

Ma yayata wəndə nya kefate ghena ta ɗa ba'a nya kemenete slene le ne, yipə yipə tenza ŋkɛ le wəndə nya kentsehwele ntsehwele nya keŋate cɛ te keleɓa.

Mene nda mə wəshi ganji ke kweci mbeli kala nya ɗe yɛ kamene ŋayɛ hɛ, gheŋkɛ yateke nda wəsə mahalegə ba'a ka mɛ ŋkwa ke mbeli.

Ama mentɛawe mɛ degha ba'a dzawe hweŋkwa kekele ŋkwa kadzete ŋkwa nya nza mpi. Ɓɛhwɛ mbeli nyi kedzeghwa kwa.

Dzeki mə kwa mɛ degha nya mentɛawe. Kebeŋwenyɛ mɛa degha ba'a kebezlenyɛ hweŋkwa nyi kekele ŋkwa kadzete ŋkwa za. Kwele kwele mbeli nyi kedzeghwa kwa.

Ma gheyɛ nyi keɗema kambeli ganji, wəshi ganji yave nda yɛ ke ŋwalea ŋayɛ ne, ashɛ za ma teve nda wəshi ganji Yiteyɛ ŋayɛ nya pelɛ ghweme ke mbeli nyi ke'yɛwe ve wəka?

Mehama ghwə yɛ te ke kweci mbeli yitea ɗema Shala kameha ghwə te gheyɛ ma. Kwa nza ŋkɛ kala nya meha ghwə yɛ te kweci mbeli ne, tsagha temeha ghwə Shala te gheyɛ. Wəsə nya se yɛ kamene nda ke kweci mbeli yatemene ŋayɛ mbeli deŋwa.

Ama yayata wəndə nya kefate ghena ta ɗa, nda ɗema kese kamene slene le ne, yipə yipə ŋkɛ le gezhi nya keŋate cɛ te ndaleghe.

Yitea wa newe kwa shekwəli nya mbe ntsə ta wəza meyɛ ŋa na, sərə təkwə nya mbe ntsə va gha wa? Tsema shɛ na geze sha wəza meyɛ ŋa: Kaba kakelemte ŋa shekwəli 'ya mbe ntsə ta ŋa, a pa, mba təkwə mbe ŋa ŋa wa?

Ntsehwele mə va ka tseŋwəa ka mɛ ŋkwa nyi kese, kala timɛti se hɛ sha gheyɛ, ama nda makwagwele nyi kempeɗe ŋkwa hɛ. Te slene ta nci teɗepe hɛ yɛ. Kandave yɛ rɛzɛŋe mbeli te tigə na? Na, kandave yɛ dasekwa mbeli te hwele na?

Ganyɛke nza ya ta wəfe nya ganyɛ, ndiremike nza ya ta wəfe nya ndiremi.

Kashɛ wəfe ganyɛ ya ya nyi ndiremi ndiremi we, kashɛ wəfe nya ndiremi ya ya nyi ganji ganji we.

Yayata wəfe nya keɗema kaya ya nya ganyɛ ne, katsasle ŋkɛ mbeli kadzemɛa ghwə.