Popular Bible Verses from Tito 3

Share

Qalaxayi ñi Dios mayi qadca'alaxaqui co'ollaq ÿachaxana da lsoxoyic qataq da lauotaxanaqtaic na shiÿaxauapi, nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo. Qaq ñimayi ÿachigoxotchigui so qadca'alaxaqui Jesucristo da qomi' ÿanema so Espíritu Santo, ÿataqta sa naloqnañi. Ÿoqo'oyi nagui ñimayi ishit da qaltaq qomi' ÿaÿamaxadeete' souaxat da lqouagaxanaqtaic, qataq qomi' ÿanema da achaalataxac chochi tateec mayi ñaquitaqta'aguet.

'Auennataxanaxanec na 'amqajnataxanaxaicpi da ÿataqta ÿoqochi'iguet qataq ÿalaxalec na nta'alpi mayi lta'adaicpi qataq na ltauapi. Chaqdata da lhuotta da i'ot ca camachicague't no'on n'onataxanaxac. Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

Qalaxayi 'antela'agueto' na cotaxacpi mayi qaica ca naigui, nataq'en da n'aqtaguec so hua'au nta'alpi, qataq da qanayictega ca nÿa, qataq da qancotatapigui na nqataxacpi mayi chigoqo'ot so Moisés co'olloxochiyi. Cha'ayi damayi qaica ca taiguet, qataq qaica ca naigui.

Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.