Popular Bible Verses from Romanos 2

Share

Qaq 'am mayi 'ai'aatapigui ca lasouaxashit ca 'adÿa, qamaq 'am nataq'en 'au'ottac namayipi, qaq ¿'aupi'itaxaatega peta'a da 'am ÿit ñi Dios, qom ÿauo'o ca nhuaxanaguec cam huo'o ca ÿasouaxat? Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Qaq ÿoqo'oyi sa ishit da saqca ca 'adasouaxashit, 'am mayi 'ai'aatapigui ca lasouaxashit ca 'adÿa, nai'ctaxa da chaq negue't da qoneta. Cha'ayi da 'am 'ai'aatapigui ca lasouaxashit ca 'adÿa, nachi 'am maichi qoquetau'a da qaÿauo'o qome ca 'anhuaxanaguec, cha'ayi 'am nataq'en 'au'ottac nam 'anshitaique da 'anmit.

Cha'ayi ñi Dios sa ishit da lca'atapigui na shiÿaxauapi.

Cha'ayi sa ishit da ÿaÿamaxadeeta ñi Dios ca ndoxotteec da n'axaÿaxaatega na nqataxacpi, chaqcata cam ÿataqta ÿalaq.

Que'eca na'a'q qom ñimayi ÿauo'o ca nshiitenaguec naq'en ñi 'oonolec cam naigui ca i'ottac.

Qalaxayi idolec qome da layiloxo qom ÿauo'o ca nhuaxanaguec nam i'ottac ca maichi 'eetapeguec qataq sa ishit da ÿalaxalec da 'eesa lataxac, chaqnata nam sa ÿaÿamaxañisat.

Qalaxayi 'am ÿataqta qadamchigui añi 'adquiyaqte, qataq sa ishit da 'ai'axaadeec naua 'an'onataxaco. Qaq ÿoqo'oyi 'eeta'am da maichi 'alapootashiguem nam 'anhuaxanaguecpi, qom ivita ca na'a'q mayi huetoigui da ñi Dios ichoxot ca lasouaxashit ñi 'oonolec da ÿauo'o ca nhuaxanaguec.