Popular Bible Verses from Hechos 17

Share

da yaqto' namayipi ishit da nmitaique ñimayi, nai'ctaxa da huo'otaq 'eeta'am da chochi ipottapeecda' da nmittaique ñimayi. Qamaq ñimayi sa ishit da iÿotaique naq'en 'enauac da shinaqta.

Ñimayi ÿachigoxotchigui co'ollaxa so 'oonolec shiÿaxaua da i'ot 'enauac na ÿotta'a't shiÿaxauapi, da yaqto' namayipi nalguete naua 'ale'u. Nachi ÿauo'oi naua laloqo'te namayipi, qataq i'a'n naua lma'te

Ñim Dios mayi l'onata ana 'alhua qataq 'enauac nam huetalec, ñimayi nachiñi ñi lalamaxat na piguem qataq ana 'alhua. Ñimayi sa ishit da netaigui ca atamnaxaqui mayi chochi l'onatac cam chochi shiÿaxaua.

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Ÿoqo'oyi nagui da ÿoqta 'en da qomi' llalaqpi ñi Dios, nachi sa ishit qome da ñi Dios 'eeta'am ñaq'enaq ca chochi n'enaqtac mayi chigaqaigui na oro, huo'otaq na plata qataq na coma', mayi maichi l'onatac ca shiÿaxaua ÿachigoxochigui ca maichi lhuennataxac.