Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta':
–Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.
Qaq co'ollaq ime da qouagaxaunaxac qataq da qouaqchitaxac, nachi qanatameetapeguelguete soomayi, qaÿashiltalguete. Ime, nachi qaÿama'q.