Popular Bible Verses from Waloma 6

Share

Kosoko digelo dyo wihi ni difa, ninga ichinghwa che Mulungu ni uwumi wa majuwa gose mugati ya Kilisito Yesu Mundewa wetu.

Kosoko iyo wihi wokuwa wichaka ulongosi mugati yenu, kosoko hamuwile hasi ye dilagiso ninga mudihewa.

Kwanheifo hachisikigwa hamwedu naye kwa njila ya ubatiso mudifa, uleke kifana Kilisito foyenuke kulawa mudifa kwa itunyo dye Baba, ase nase chigende muusha we uwumi.

Munghagendelele kahi kulafa filungo fyenu fyuwe fiya fya kugolosa wihi, ninga kilafeni muwecho kwe Mulungu kifana wanhu walawile kudifa kwija kuwumi, na kulafa filungo fyenu kwe Mulungu fyuwe fiya fye ichawelu.

Chimanya fina unhu wetu wa katali usambasigwa hamwedu naye, uleke umutufi we wihi ubanigwe, uleke chinghowe watumwa wa wihi keli.

Kosko iyo nanye dogeni muwecho kuwa wafile muwihi womi muKilisito Yesu.

Togoleni chigambeki? Chigendelele muwihi uleke dihewa dyongeseke? Gwe putu! Yokuwa nhani aseye chufile muwihi kahi chuwe womi muwihi?

Hamumanyile fina kwayuya wowose womukilafa ukwakwe kifana watumwa wakogoha, mugaluka watumwa ukwakwe wo mukogoha, hegu yuwe wihi ukulongosa kudifa ama chogoho ichikulongosa kuuchawelu?

Ninga yalumbigwe Mulungu kosoko anyeye, mowile watumwa wo wihi, mugaluka wanhu wakuhulika kulawa kufidoga kugati, amafuso ge umanyi uya womwekigwe hasi yakwe, na mulekeleligwa kutali kulawa kuwihi, mugaluka mbiya watumwa we chawelu.