Popular Bible Verses from Waloma 12

Share

Munghandamile mbuli se chilunga chino, ninga muwe washa mufidonga fyenu mudahe kutanga go yakwenda Mulungu, kahi goni amaswanu na gamemelekele.

Hambiya nikuwatasani wandugu sangu, kwa ubasi wa Mulungu, lafeni mitufi yenu yuwe kifana nhambiko imumi isunhile, kahi ikuhokeligwa kwe Mulungu, ayo no ifuga yenu ye chimuhe.

Bwedeleleni mwihuwi, muwe wafinyilisi mumagayo, wanhu wa mataso.

Munghasumwe ne wihi, ninga usumeni wihi kwa uswanu.

wendo lwe chindugu uwe mugati ya chila munhu na miyagwe, kiyoneseni chogoho nyenye kwa nyenye.

Wendo umeme, desekeleni wihi, koleni lugano amaswanu

Inghadahika, kuulwandi lwenu, kaleni digoya na wanhu wose.

Wandugu, munghakilihe wihi nyenye kwa nyenye, ninga lekeni inyono ye Mulungu imwecho ilamule, kosoko itulumwa fina “Maliho ga wihi kwa wihi ni gangu nimwecho noliha, yakulonga Mundewa.”

Munghowe wadoba, ninga muwe na ludole mumimuhe yenu kumutogomela Mulungu.

Na kosoko ya mboto yo ninghigwe ne Mulungu, nikumuhananga chila munhu ukwenu yanghakiyone imwene munhu mukulu lugano kusuma foyakuhanangigwa yowe, ninga yakiyone musindamafu na yalamule ifene foikuhanagigwa mudihuwi dyoyenghigwe ne Mulungu.

Munghakilihe wihi kwa wihi, ninga amaswanu kumwande ya wanhu wose.

Mwikale kwa kifumilisa munhu na miyagwe, munghadoge makulu, ninga goloseni na amadodogi nago, yuweni waholo kahi munghakiyone fina mwina ubala kusuma wayenu.

Sinheifo du, “Ninga hata inghowa wanghondo wako wena njala wenghe chakudiya; wena nghilu wenghe meji, kosoko kwa kugolosa nheifo ukuwagumila moto wa makala mumatwi gawo.”

Wamoteseni awaya wakuwasambasafibi; wamoteseni munghawaligitise. Bwedeleleni na waya awakubwedelela, lileni na waya awakulila.

Lafeni finhu fyenu muwatase awasunhile, yuweni wandewa kuwageni.

Kosoko mumutufi umwedu china filungo fingi na filungo fyose fisikutogoma mulimo umwedu, nheifo ase nase cha wengi ninga cha mutufi umwedu mugati ya Kilisito, chila munhu na miyagwe.