Popular Bible Verses from Waloma 1

Share

Kosoko sikuyonela chinyala Imbuli swanu; ni ludole lwa Mulungu kwa uhonya wa chila munhu yene dihuwi, kwa Muyahudi kunghonga na kahi kwa Muyunani.

Kosoko kwa iyo ichawelu ye Mulungu igubuligwa kugendela dihuwi kwa dihuwi fina foitulumigwe kugamba; “Imuchawelu kokwikala kwa kulokela dihuwi.”

Kulawa kukumbigwa kwe chilunga inyuwa yakwe ye ludole yo kuleka koneka na udaha wa majuwa gose waumanya na kuona kulokela finhu fyumbigwe. Nong'amba wechaka chibalalilo.

Kosoko hawamumanya Mulungu, ninga wasimwinghile chogoho kifana Mulungu ama kumulumba, ninga hawagilila mudasi mumadoga gawo kamei misungu yawo hoigumigwa chisa

kosoko wabidula ichawelu ye Mulungu kuudasi na kufuga fyumbigwe na kufifugamila na kuleka Iyombile, imutunyigwa wa majuwa gose! Hano.

Kosoko inyono ye Mulungu yonesigwa kulawa kulanga kuwanhu wose awasikwenda Mulungu na wihi wa awakukanhamisa ichawelu.

Kosoko ya iyo Mulungu kawengha usulumisi wichaka chogoho. Wanawake wao nawo wabidula sinhenda kulawa fosumbigwe kuluta kusisumbigwe, nheifiya awagosi nawo, hawaleka sinhenda ifene foyumbigwe kuwa nawake sawo na kikola usulumisi wecho kwa wecho. Hata wagosi wagolosa mbuli sa chinyala na wagosi wayawo na kuhokela itoso dya nhenda sawo sihile. Na kosoko wasonile fiswanu kumumanya Mulungu, Mulungu hakawaleka wandamile madoga gawo gehile agasiku hanangigwa wagolose.

Wakidai wena misungu wagaluka, wabwalasi; na kubidula ditunyo dye Mulungu idichaka ubani kuwa futa ye chimunhu iikubanika, na fidege na fikewe hamwedu na ifikutambala.