Popular Bible Verses from Phaodaiq 9

Share

Thail hai ngaol-aoq, khoeq nail jiovq nail al hail phaq nail kov-uvq bhai maq sil dai jel ail-a nail tsaol-aq, yovqgavq nail aqlavq-i mail nl-ai thaq nail juq bhai maq noeq pov ail, aqyu juq neq, neivq bhai uqhuq thaoq nail maqkhaiq, phul, heel, giqheel, lovmav khi mail aqbhaol-i mail lav sav-ai thaq nail maq moel nia, maq gaiq nia, gailkhaol iqsanl maq tsao nia nail thaoq phaoq aqma maolkhoel bhai uqhuq thaoq nail maqkhaiq, aqyu juq maq khaonq ha-al. Tsaol-aq al juq neq, yu bhai heivq nail phaq bhai maqkhaiq, neivq bhai laol nail sail nail phaq maqkhaiq, khaqmiq sev nail phaq maqkhaiq, yu nail nlmaoq bhai khoiq nail phaq bhai maqkhaiq, maq noeq pov-ail.

Miqkhoiq al nail lavqkhoel nee, noelbhoel mao dai dov lal khi, miltsaq bhai ga lee-a nail ngaol. Noelbhoel al juq bhai miltsaq khe bhoiqkeiv lavq mav nail bhaqaoq khe-ai dul nail bhaqaoq bivq-a nail ngaol. “Miltsaq kovtavq bhai doevq nail moeqgaq bhai maqkhaiq, aqpavq aqniul khal niul nail yaoq phaq yaoq-ao nee bhai maqkhaiq, aqbhaol iqsanl bhai maqkhaiq, thaq lav cov dei-eiq, neeqthel bhai Miqyail nail junq maq deeq-ai thaq nail tsaol-aq bhai taivq-ail lav cov yaoq” dai, noelbhoel al juq bhai ge bhiq-a ngaol.

Nqtavq gaqkhoel ngaq gaq teevq gaq nqbho jiiv-u phao, nqtavq nee mail miltsaq bhai ga lee thaq nail aqgil teevq heeq bhai ngal ya moel-a nail ngaol. Aqgil al heeq bhai mao ail navq nail khaq duq nail taovq taovqphoil bivq-a nail ngaol.

Thail hai ngaol-aoq, noelbhoel al juq, tsaol-aq bhai lav heivq nail aqkhaoq-anq maq ya-al. Bhala ngaq heeq bhee dai, khoeq bhiq jiovq bhiq nail aqkhaoq-anq taivq-ail ya-a nail ngaol. Noelbhoel-i mail keivq nail bhai ya daq nail gaq neq, bhoiqkeiv lavq mav-i mail keivq-a nail khe-ai, nal nail ngaol.

Aqyu juq nail heeqphaq neq, mao ail navq nail khaq duq nail gaqkhoel ngaol. Aivq nail aqmil neq, Heiqbhail daoq Aqbhaqdoq dai, khul khi, Heiqlaq sal daoq neq, Aqphaollil-oq dai, mil-ai thaq nail ngaol. Daoqceevq neq, lav luq lav seil nail gaq dai, ge nail ngaol.