Popular Bible Verses from Phaodaiq 14

Share

Aq-u phao, nqtavq nee mail aqthel meel dov-ai leevq nail bhai, ngal niail hai ya gaiq-a nail ngaol: “Niailhai gevq yaoq. Niai nee pultavq, Yeiqsul nail lavqkhoel bhai sil-a tsaol-aq geeqlaoq eeq nail ngaol.” Aqhaqlal Miqyail iqsanl ge nail: “Ngel naol. Aqyu juq ganl nl doil hal doil khi gaq naq ya naq nail ngaol. Khul khi mail dai ngal-aq neq, aqyu juq-i mail nl-a hal-a nail phaq bhai, Miqyail maq nioil peivq ail” dai, ge nail ngaol.

Al heel ngel-i mail, Miqyail-i mail bivq-a nail daoq nal daiq khi Yeiqsul bhai neema thaq tsaol nail Miqyail nail tsaol-aq juq, oltsaol nail phaq loq nail ngaol” dai, ge nail ngaol.

Aivq mail ma-ail aqthel gul kav khi ge nail: “Miqyail bhai gee sil khi, aivq bhai tsiq eeq yaoq. Aivq yalkhaq dal nail aqyanq kev lee-aoq nail ngaol. Nqtavq kovtavq khi miltsaq bhai maqkhaiq, iqyaq iqma khi ulcuvq eelbev dov duq bhai maqkhaiq, al juq bhai teivq-a nail gaq bhai uqhuq thaoq yaoq” dai, gul-a nail ngaol.

Nqtavq gaqkhoel hail gaq teevq gaq, al nvq gaq nail haoqnao tsao the tsao the ail, aqthel gul kav khi ge nail: “Haq eiv nail jaiqyaq al maol khi aivq nail maolkhoel bhai uqhuq thaoq khi, yovqgavq nail neeqthel bhai maqkhaiq, yovqgavq nail aqlavq bhai maqkhaiq, jaiqyaq al maol nail junq deeq-ai thaq nail khul gaq bhai maqkhaiq, khaoqanq bhai hoel bhoel-ai thaq nail Miqyail nail neema phail nail aqheeq tsilju nail ullul ya daol nail ngaol. Meeq nail haol nail nqtavq gaqkhoel nail sivtavq bhai maqkhaiq, Yaolyaq nail sivtavq bhai maqkhaiq, miqjaq khi miq jal jal heel-i mail, tsaol-aq al juq bhai khoeq dee jiovq dee dee bhiq nail ngaol. Aqyu juq bhai khoeq bhiq jiovq bhiq-u phao, dov lal-a nail miq khoiq al neq, nqmaq maqluv halyeel dav lai nail ngaol. Haq eiv nail jaiqyaq al maol khi aivq nail maolkhoel bhai uqhuq thaoq khi, aivq nail aqmil-i mail, junq deeq-ai thaq nail tsaol-aq, nqkiv n-gaol maqkhaiq, gaq naq maq ya naq-ail.

Ngal hel daiq gai aivq-u phao, Yaolyaq Yeel ovq gaoqjaoq bhai thul phaol-nvq thaq nail bhai, ya moel-a nail ngaol. Yaolyaq nee mail tsaol-aq teevq sainv liq meel-nvq liq hinl gaq thul phaol-nvq thaq nail ngaol. Aqyu juq nail neeqthel bhai Yaolyaq nail aqmil khi aivq nail Aqbhu nail aqmil gevq-ai thaq nail ngaol.

Aq-u phao, nqtavq nail gaoltsi bhai nqtavq gaqkhoel teevq gaq bhail nail bhai, ngal ya moel-a nail ngaol. Aivq neq, milkhaoq yaoq khaoq yaoq-ao nee bhai maqkhaiq, jeq-e jaq-a iqsanl bhai maqkhaiq, khul phaq nail daoq ge nail tsaol-aq bhai maqkhaiq, miltsaq bhai jaol nail tsaol-aq iqsanl bhai cavq bhiq nail dai khi, nqmaq maqluv halyeel ivq nail lavqkhiq tsail nail geeqlaoq daoq phi-nq thaq nail ngaol.

Nqtavq gaqkhoel nvq gaq teevq gaq, iqmoeq khe gaq nail haoqnao tsao the tsao the ail khi ge nail: “Aqmil dov nail Bhaq bhul loq meenq ga peiv gil ail nail ngaol. Ga peiv gil ail nail ngaol. Khul khi mail dai ngal-aq neq, meenq al meenq khaqmiq sev dai, jeq-e jaq-a iqsanl bhai jil pheeq bhi daol-a nail ngaol” dai, gul-a nail ngaol.