Popular Bible Verses from Phaodaiq 12

Share

Yaolyaq nail aqsivq bhaq da nee maqkhaiq, aqyu juq-i mail salkhil khanq nail bhaq da nee maqkhaiq, aqyu juq oeqbal thaq nail al gaq bhai gaq lai-a nail ngaol. Khul khi mail dai ngal-aq neq, aqyu juq neq, al nail haqbhoil sil iqsanl, sil tseq nail ngaol.

Nqtavq kovtavq bhai aqthel meel dee dee nail bhai, ngal niail hai ya gaiq-a nail ngaol: “Niil aq-il ngadao nail Miqyail hevq kovq nail yanq kev lee-aoq nail ngaol. Niil aq-il aivq bhaqaoq kav dee dee nail lavqkhoel nee uv thaiq nail yanq kev lee-aoq nail ngaol. Niil aq-il aivq nail Khali uv thaiq nail yanq kev lee-aoq naol. Khul khi mail dai ngal-aq neq, Miqyail nail sivtavq bhai ngadao nail aqivq jaqbheq Khali yaq juq bhai nqkiv n-gaol maqkhaiq oeqbal thaq nail gaq bhai, gaq lai-aoq nail ngaol.

Aq-u phao, neivq heeqphaq maq ngel haq neq, Saq daq dai mil-ai thaq nail baivyaovq maol ma al maol bhai, miltsaq bhai bavq ha-ai leevq-a nail ngaol. Aivq neq, milnee uqnee khe haqeiv nail eellel al maol iqsanl, ngel nail ngaol. Aivq bhai miltsaq bhai bavq ha-ai leevq-u phao, aivq nail nqtavq gaqkhoel bhai iqsanl, aivq nee mail teevq gaq khe-ai, bavq ha-ai leevq-a nail ngaol.

Al heel ngel-i mail, nqtavq khi mail nqtavq kovtavq bhai jaol nail juq-ol, lavqkhiq tsail yaoq. Thail hai ngaol-aoq, miltsaq khi iqyaq iqma neq, geeqlaoq aqdoil ya nail ngaol. Khul khi mail dai ngal-aq neq, neivq heeqphaq neq, nul juq nee mail jaol nail ngaol. Aivq nail haqbhoil aqyanq micil maq ngel nail neq, maq jiav yaoq-aol dai, heeq nia nail ngel-i mail, neema phail dee dee nail ngaol” dai, ge nail bhai, ngal ya gaiq-a nail ngaol.

Aq-u phao, nqtavq kovtavq bhai genl genl ma dev nail thaiq lal-a nail ngaol. Milgeiqlal khi aivq nail nqtavq gaqkhoel juq baivyaovq al maol bhai dev pheel jaq-a nail ngaol. Baivyaovq al maol khi aivq nail nqtavq gaqkhoel iqsanl, aqyu juq bhai genl dev lal-a nail ngaol.

Baivyaovq al maol, yaqmai-aq al gaq bhai neema phail dee dee lal bhiq khi, jaol-ail ceevq-a nail aivq nail yaq juq bhai genl dev ail-a nail ngaol. Yaq al juq neq, Miqyail-i mail bivq-a nail daoq bhai nal daiq khi, Yeiqsul nail ganl salkhil khanq nail tsaol-aq ngaol.

A bhai nee ngal-aq, bhi heeq bhi moel nail eeq dee dee nail phaq nqtavq bha, ngal ya moel-a nail ngaol. Yaqmai-aq teevq gaq nlma doi khi, bhala bhai naoq thaiq-ai thaq nail ngaol. Aivq neq, aqgil tsel-nvq heel covq nail uq tsaoq tsaoq-nq thaq nail ngaol. Yaqmai-aq al gaq yaqbeiv uvq thail thaiq nail ngaol. Aivq yaq tsiq nail dai khi, nal dee dee nail ngel-i mail, gul thail thaiq nail ngaol.

Yaqmai-aq al gaq yaqyov tsiq-a nail ngaol. Yaqyov niil gaq neq, yaqhao hail nail joiqniaoq nee milkhaoq iqsanl bhai, uv thaiq nail gaq ngaol. Yaqyov al gaq bhai Miqyail jaol nail bha khi Miqyail nail joiq jaq doiqbev bev ma bhai teevq pov taivq-ail tsiq dal laivq-a nail ngaol. Yaqmai-aq al gaq haqtsoiq haqyal bha tsaol-aivq-a nail ngaol. A bhai, teevq hinl nvq yal kovq tsel n bhee dai, aivq bhai hel daiq phail bhiq nail dai, Miqyail aivq nail haqbhoil jaol duq lav sav-ai thaq nail ngaol.

Bhi heeq bhi moel nail yaoq phaq yaoq nqtavq bha, ngal gaoq ya moel-a nail ngaol. Neltsaiq deel baivyaovq maol ma teevq maol dov lee-a nail ngaol. Aivq neq, uqhuq sivq huq covq khi, uqkheel tsel kheel covq nail ngaol. Aivq nail uqhuq bhai heel uq tsaoq sivq tsaoq tsaoq-nq thaq nail ngaol. Aivq nail daoqmiq-i mail nqtavq bha jiav nail aqgil hail bhoil teevq bhoil bhai jiivq jil khi, miltsaq bhai liv bhoel-ai leevq-a nail ngaol. Yaq tsiq nail dai, lainq-ai thaq nail yaqmai-aq al gaq nail yaq doevq lee-u phao, yaq al gaq bhai ya jaq dai, baivyaovq al maol yaqmai-aq al gaq nail sivtavq bhai thul phaol-nvq thaq nail ngaol.

Yaqmai-aq al gaq, baivyaovq al maol nail aqlavq lavqkhoel bhai ya jel-ail dai, joelma maol ma nail aqdaol nvq daol ya-a nail ngaol. Aqdaol al-i mail haqtsoiq haqyal bha bhail aivq khi, a bhai hail kovq ovqtavq teevq pav, Miqyail aivq bhai hel daiq phail bhiq-a nail ngaol. Yaqmai-aq al gaq bhai bhi daq jal aiq nail dai khi, baivyaovq al maol aivq nail moeqthaoq nee mail ulcuvq laoljaol jaol ma khe-ai yaqmai-aq al gaq nail haoqnaol phao peivq ha gaiq-a nail ngaol. Thail hai ngaol-aoq, miltsaq neq, yaqmai-aq al gaq bhai tsao jao-ai bhiq-a nail ngaol. Miltsaq pav lal khi, baivyaovq-i mail peivq ha-ai leevq-a nail ulcuvq al bhai suv gee gil-a nail ngaol.