Popular Bible Verses from Tsiqeeq 51

Share

Miqyail-ol ngaq bhai haol taiv deel neema teevq heeq teivq bhoel lavq yaoq. Naoq bhai saljial ivq nail neema bhi aol lavq yaoq.

Naoq-i mail hevq kovq lavq-a nail phaq bhai lavqkhiq gaoq bhi tsail lavq khi naoq nail daoq bhai nal daiq nail neema bhi aol lavq yaoq.

Naoq nail sivtavq nee ngaq bhai thaq the ha lavq. Naoq nail Meeq nail Haol nail Aqhaqlal iqsanl ngaq-ai nee mail thaq oil ha lavq.

Miqyail-ol naoq-i mail oil movq nail laol bhiq nail phaq neq nee nuq nee beiv aol nail neema ngaol. Nee nuq nee beiv aol khi oeqbal noeq pov nail neema bhai naol maq khaonq ha-ail.

Miqyail-ol, naoq-i mail gaoq haq goil gaiq-a nail phaq bhai juq khi ngaq bhai gaoq haq lavq yaoq. Eeq dee dee nail, naoq-i mail gaoq haq gaiq-a nia nail phaq bhai juq khi ngaq nail oeqbal tsiq haol lavq yaoq. Ngaq nail lavqkhoel bhai aol nail laiq nail tsa nail phaq iqsanl bhai tsiq haol lavq khi oeqbal lavqkhoel nee ngaq bhai bhi haol lal lavq yaoq.

Ngal haol lal dai lunl aq naiq-i mail jiivq haol lavq yaoq. Ngail nee maq tsil phul lal dai ngaq bhai tsiq haol lavq yaoq.

Ngal naoq bhai nl laiq gaq-ao nail ngaol. Naoq bhai taivq-ail nl laiq-a nail ngaol. Naoq nail sivtavq bhai ngal oeqbal nl-a nail ngaol. Al heel ngel-i mail naol ngaq bhai khaq nail neq tsaq nail ngaol. Naol ngaq bhai yalkhaq dal nail iqsanl tsaq nail daol nail ngaol.