Popular Bible Verses from Tsiqeeq 119

Share

Naoq nail daoq neq ngaq nail aqkhil sivtavq bhai phalmanq pevq khi ngal-i mail ya-ail nail gailkhaol bhai aqbhaq pevq nail ngaol.

Naoq bhai maq ya nl laiq dai ngaq nail neema lavqkhoel bhai naoq nail daoq oil bhoel-ai thaq nail ngaol.

Aqkovq maq jiav lal heeq thaq nail gaq khal hai khi aq tsaq aqdaol nail lavqkhoel bhai doevq nia nail dai, ge haq neq naoq nail daoq bhai tsao the nail lavqkhoel nee doevq nia jaol nia nail ngaol.

Aivq-i mail cavq bhiq cov bhiq nail bhai tsao the khi aivq bhai neema lavqkhoel nee hal pov nail juq neq, geeqlaoq eeq nail ngaol.

Naol neq, ngaq nail haqbhoil juq duq khi mail doeq daq duq pevq nail ngaol. Al ovqtavq, ngal naoq nail daoq bhai noeq thunq khi jaol nail ngaol.

Naoq nail aolthaq kovqthaq bhai hel daiq phail kivq dai gov heeq kivq nail phaq bivq lavq yaoq. Al bhai ngal neema lavqkhoel bha kev dai tsao the nail ngaol.

Hul meeq meeq movq nail nee maq tsil naoq-i mail cavq lavq cov lavq nail phaq bhai tsao the kivq dai ngaq nail neema bhai lav phal lavq yaoq.

Naoq-i mail yalkhaq dal nail phaq bhai ya daq-a nail neq ngaq nail haqbhoil meeq nail ngaol. Khul khi mail dai ngal-aq al hai ya daq-a nail bhaq da nee ngal naoq nail ya tsao the nail ganl juq bhai gov heeq kivq jaiq lal-a nail ngaol.

Naoq nail daoqma saljial neq ngaq bhai aqdoevq bhi doevq lavq nail ngaol. Haq nail aoq nail phaq kev lee-u phao ngal al bhai noeq kev khi nee sal ya lal nail ngaol.

Ngal neq naoq-i mail bivq-ai thaq nail aoldaoq kovqdaoq bhai neekhaol sil nail ngel-i daoq al juq bhai tsao the kivq dai ngaq bhai tsao jao-ai lavq yaoq.

Heeqphaq Miqyail-ol naoq nail ya tsao the nail ganl juq nail gailkhaol ngaq bhai cavq naq lavq yaoq. Al juq bhai ngal khaq mao iqsanl tsao the dal lavq nail ngaol.

Ngal noeq haq nail ngel-i mail gaq teevq peivq ail maq aol dai pevq ail-a nail ngaol. Al heel ngel-i mail naoq nail daoq jiav nail khe-ai ngaq bhai gaq bivq lavq yaoq.

Ngal neq, naoq nail aolthaq kovqthaq bhai al jaiq-ail gaiq-a khi ganl al juq bhai teevq n n lao saol-nvq pov nail ngaol.