Popular Bible Verses from Yaqkov 4

Share

Al heel ngel-i mail, Miqyail uv thaiq nail lavqkhoel bhai aqmeeq-ai jaol yaoq. Neivq heeqphaq bhai lav tsoiq yaoq. Lav tsoiq haq neq, aivq nul juq jaol nail nee tsaoq dol aivq nail ngaol.

Miqyail nail aqjail bhai tuv dai jiil lavq yaoq. Al hai jiil lavq haq neq, aivq iqsanl nul juq nail aqjail bhai jiil leevq nail ngaol. Oeqbal yaq juq-ol, nul juq nail aqlavq tsiqhaol yaoq. Neenoeq nvq noeq noeq nail tsaol-aq juq-ol, nul juq nail neema bhi haol lal yaoq.

Heeqphaq Miqyail nail sivtavq bhai neema thaqtheq khi jaol yaoq. Al hai jaol haq neq, aivq nul juq bhai thaq eeq thaq heel lavq nail ngaol.

Miqyail ngadao juq bhai geeqlaoq eel jaol mao dai bivq lavq nail ngaol. “Miqyail neq, neema eeq nail heel nail tsaol-aq bhai lav tsoiq nail ngaol. Thail hai ngaol-aoq, neema thaqtheq nail juq bhai neq, geeqlaoq eel jaol bivq nail ngaol” dai, Jal liq lavqkhoel bhai gevq-ai thaq nail ngaol.

Al heel ngel-i mail, aqmeeq phaq nl dai, heeq nia khi ngaol-aoq neq, maq nl nail tsaol-aq aivq nail haqbhoil oeqbal ngaol.

Nul juq hal khi ngaol-aoq, maq ya-ail. Khul khi mail dai ngal-aq, nul juq aqsivq haqjoil nail neekhaol sil dai taivq-ail, nl movq nail ngel-i mail, hal laiq nail ngaol.

Bheeq nail leel nail tsaol-aq juq-ol, miltsaq nail aol bhai aqtsaoq tsaoq tavq nail tsaol-aq, Miqyail bhai neejiav jiav nail tsaol-aq ngaol dai, nul juq maq heeq kivq ail laiq. Miltsaq nail aol bhai aqtsaoq tsaoq movq nail khul gaq maqkhaiq, Miqyail bhai neejiav jiav nail tsaol-aq pevq lal-a nail ngaol.

Niaohao khul pevq lal nail dai, nul juq maq heeq nia-ail. Nul juq aqdoevq doevq nail phaq neq, khul phaq khe-ai dul nail ngel-ail. Teevq yanq taivq-ail ya moel khi, peivq ail nail ulcuvq eelhaq khe-ai dul nail ngaol.