Popular Bible Verses from Eilpheilsu 5

Share

Nul juq neq, Miqyail gaiq-a nail aivq nail yaq pevq nail ngel-i mail, aivq khe-ai dul lal dai, aqdoevq doevq yaoq. Khali ngadao juq bhai gaiq-a nail khe-ai, goil nail gaiq-a nail lavqkhoel aqdoevq doevq yaoq. Khali ngadao nail haqbhoil laol bhiq nail dai khi, aivq nail aqmaol Miqyail bhai av bhiq-a nail ngaol. Laol bhiq-a nail al neq, Miqyail neekhaol sil nail huqbhiq nil nail phaq ngaol.

Al heel ngel-i mail, nul juq aqdoevq doevq nail aqmeeq-ai yaol phaol yaoq. Nee noeq nee kha maq aol nail tsaol-aq khe-ai thaq doevq. Nee noeq nee kha aol nail tsaol-aq khe-ai doevq yaoq. Niil yeel neq, haqeiv nail yeel ngel-i mail, yanq khal ya-u phao teevq peivq ail maq bhi sunq ail dai, nl thail thaiq yaoq.

Jilpheeq thaq daol bov. Al neq, nul juq bhai bhi cov ail nail teevq-eel ngaol. Thail hai ngaol-aoq, nul juq nail lavqkhoel bhai Meeq nail Haol nail Aqhaqlal teevq bhee bhi jaol yaoq. Miqyail bhai tsiq eeq nail daoq yaoq phaq yaoq-ao nee, daoqsel gul khi, teevq gaq nee teevq gaq tsiq eeq yaoq. Nul juq nail neema lavqkhoel bhai kev dai, gul gul ail Miqyail bhai tsiq eeq yaoq. Ngadao nail Heeqphaq Yeiqsul Khali nail aqmil bhai juq juq ail, yaoq phaq yaoq-ao nee nail haqbhoil, Aqbhu Miqyail bhai khaq mao iqsanl tsiq eeq yaoq.

Nee noeq nee kha maq aol nail tsaol-aq thaq bhi pevq. Miqyail neema khal hai tsaq nail ngel ail dai, heeq nia nail tsaol-aq pevq yaoq.

Yovjil juq-ol, Khali yaq munl bhai Khali gaiq-a nail ngel-i mail, aqmaol laol bhiq-a nail khe-ai, nul juq iqsanl yovqgavq nail khaqma bhai gaiq-a yaoq.

Jel lal-u phao, nul juq iqsanl, aqnav nail lavqkhoel bhai doevq daiq-a nail tsaol-aq juq ngaol. Thail hai ngaol-aoq, niil aq-il neq, Yeiqsul bhaq da nee aqbhaq nail lavqkhoel bhai jaol lal-aoq nail ngaol. Al heel ngel-i mail aqbhaq nail yaq khe-ai aqdoevq doevq yaoq.

Khali bhai ev nail lavqkhoel, teevq gaq nail kov-uvq teevq gaq aqmeeq-ai jaol yaoq.

Khaq ma juq-ol, Yeiqsul nail kov-uvq bhai jaol nail khe-ai, yovqgavq nail yovjil nail kov-uvq bhai jaol yaoq.

Al heel ngel-i mail, yovjil juq-ol, yovqgavq nail aqmaol bhai gaiq-a nail khe-ai, yovqgavq nail khaqma bhai gaiq-a yaoq. Khaq ma juq iqsanl, yovqgavq nail yovjil bhai ev yaoq.

“Al heel ngel-i mail, yovjil juq neq, yovqgavq nail aqbhu aqma nee pavq ail khi, yovqgavq nail khaqma nee ya doevq tavq nail lavqkhoel, nvq gaq teevq gaq taivq-ail pevq lal nail ngaol” dai, Jal liq lavqkhoel bhai gevq-ai thaq nail ngaol.

Aq nav phaq bhai tavq nail ganl maq tsoiq nail nl nail hal nail juq bhai teevq peivq ail thaq nl thaq hal. Ganl al juq kha dai haqeiv nail ngel ail dai, bhi dov lal yaoq.