Popular Bible Verses from 2 Tilmolseiq 1

Share

Khul khi mail dai ngal-aq neq, Miqyail ngadao bhai gee sil nail neema bhi aol lavq-a nail maq ngel-ail. Bhaq aoq aol nail nee ma, goil nail gaiq-a nail neema khi, yovqgavq nail aqmaol bhai gaq laiq nail neema bhi aol lavq-a nail ngaol.

Miqyail neq, aivq-i mail noeqceiv-ai thaq nail khe-ai pevq lal dai, ngadao bhai hevq kovq lavq khi, aqmeeq aqhaol nail lavqkhoel bhai doevq yaoq dai, ngadao bhai khul-ai thaq nail ngaol. Ngadao teevq phaq ga nav nl-ai hal-ai thaq nail ngel-i mail, aivq al hai nl lavq-a nail maq ngel-ail. Geeq laoq eel jaol bivq lavq-a nail ngaol. Geeq laoq eel jaol al neq, nqtavq kovtavq maq jiav lee-u nee mail, Yeiqsul Khali bhai juq khi, aivq ngadao bhai bivq lavq-a nail ngaol.

Al heel ngel-i mail, ngal naoq bhai niail hai ge noeq bhiq movq nail ngaol. Ngaq-i mail naoq nail kovtavq bhai aqlavq bavq dav-u phao, naol Miqyail nail kovpavq ya-a nail ngaol. Miqjaq sivtovq nail khe-ai, kovpavq al bhai sivtovq yaoq.

Al heel ngel-i mail, ngadao nail Heeqphaq Yeiqsul nail haqbhoil salkhil khanq nail, thaq haq sil. Aivq nail haqbhoil nee ganl nl nail ngel-i mail, thaonq bhai ya aol thail thaiq nail ngal bhaq da nee iqsanl thaq haq sil. Miqyail-i mail naoq bhai gaq bivq-ai thaq nail khe-ai, ngaq-ai nee mail teevq gaq khe-ai, lavqkhiq tsail nail geeqlaoq daoq nail haqbhoil khoeq nail jiovq nail phaq bhai daq yaoq.

Al hai tsel dov lavq-a nail bhaq da nee ngal niail hai ya daq thail thaiq nail ngaol. Thail hai ngaol-aoq, ngal maq haq sil. Khul khi mail dai ngal-aq neq, ngaq-i mail neema thaq tsaol nail gaq bhai ngal heeq kivq nail ngaol. Ngaq-i mail aivq bhai khal av bhiq-a nail juq, yalkhaq dal nail aqn bhai kev dai, aivq oiltsail-ai thaq nail ngaol dai, ngal heeq kivq nail ngaol.