Popular Bible Verses from 1 Bheiqtuvluv 3

Share

Khali neq, Heeqphaq ngaol dai, yovqgavq nail neema lavqkhoel bhai yovqgavq saol-nvq khi, aivq bhai ev yaoq. Nul juq-i mail noeq thunq-ai thaq nail ganl bhai yu nal daiq lal haq neq, khal hai ya ge kovq bhiq nail dai, khaq mao iqsanl aqmeeq-ai lainq-ai thaq yaoq. Thail hai ngaol-aoq, neema nee nuq nee beiv aol khi ev nail lavqkhoel nee ge kovq bhiq yaoq. Nul juq nail heeq nia nail neema aqhaol haol dai, bhi jiav yaoq. Al hai bhi jiav haq neq, Khali nail lavqkhoel bhai nul juq aqmeeq phaq nl nail bhai ge doil nail tsaol-aq juq, yovqgavq nail daoq bhai yovqgavq ya haq sil nail ngaol.

Khul khi mail dai ngal-aq neq, Heeqphaq Miqyail neq, tsaq nail daol nail tsaol-aq bhai hel daiq thail thaiq nail ngaol. Aivq aqyu juq nail hal daoq bhai gaiq thail thaiq nail ngaol. Thail hai ngaol-aoq, haqeiv nail phaq khal nl nail tsaol-aq bhai Miqyail maq hel daiq tsaoq ail” dai, gevq-ai thaq nail ngaol.

Tsailkheel al jaiq jel dai lav sav nail, phul heel al jaiq jel dai goe nail, aqgaq aqdoi doi nail, al hai aqmaol nail lavqniil phao hel daiq meeq lal dai, thaq lav sav. Nul juq nail aqmaol hel daiq meeq lal dai, neema lavqkhoel phao niail hai lav sav yaoq. Neema nee nuq nee beiv aol khi, neema aqmeeq phaq aol yaoq. Al hai hel daiq meeq lal dai lav sav nail phaq neq, maq cov ail nia nail nee ovqtavq, Miqyail nail sivtavq bhai aqphoiq phoiq dee dee nail phaq pevq nail ngaol.

Jal liq lavqkhoel bhai gevq-ai thaq nail khe-ai, “Aq doevq doevq movq nail neema aol khi aqn aqmeeq bhai moel movq nail tsaol-aq, yovqgavq nail moevqlal haqeiv nail daoq thaq ge, yovqgavq nail moeqthaoq iqsanl, goiqbhaoq thaq bhaoq. Haq eiv nail phaq bhai gail jao jao khi, aqmeeq phaq nl yaoq. Tsaq lai jil lai nail phaq bhai hal pov khi, al nail haoqnao tsao the yaoq.

Haoqnao nao saq niail hai ge movq ail nial. Nul juq iqsanl neema teevq heeq bhai tavq yaoq. Teevq gaq nee teevq gaq gaoq haq yaoq. Aqivq jaqbheq nail gaiqlaq bhai gaiq-a nail khe-ai gaiq-a yaoq. Neema nee nuq nee beiv aol khi, aqmeeq phaq nl movq nail neema bhi aol yaoq. Yu haqeiv nail phaq nl lal khi ngaol-aoq, haqeiv nail phaq thaq nl kovq bhiq. Yu khal ge movq ail ge lal khi ngaol-aoq, khal ge movq ail thaq ge kovq bhiq. Aqyu juq bhai geeqlaoq bivq yaoq. Khul khi mail dai ngal-aq neq, nul juq geeqlaoq ya dai, Miqyail nul juq bhai khul-a nail ngaol.

Nul juq lai jai lai jai ail aqmeeq phaq nl haq neq, khaq sil gaq nul juq bhai lav tsoiq lal nia nail-aiq.

Haq eiv nail phaq bhai gail jao jao khi, aqmeeq phaq nl yaoq. Tsaq lai jil lai nail phaq bhai hal pov khi, al nail haoqnao tsao the yaoq.

Miqyail neema tsaq haq neq, aqmeeq phaq nl nail ngel-i mail, ya daq-a nail neq, haqeiv nail phaq nl-a nail ngel-i mail ya daq-a nail nee maq tsil, meeq jaiq nail ngaol.