Popular Bible Verses from 1 Bheiqtuvluv 1

Share

Ngadao nail Heeqphaq Yeiqsul Khali nail Aqbhu Miqyail bhai tsiq eeq bhel. Khul khi mail dai ngal-aq neq, aivq gaoq haq gaiq-a nia dee dee nail bhaq da nee, Yeiqsul Khali sil khi doevq kovq lal nail ngel-i mail, ngadao bhai doevqyeel aqsivq bivq lavq-a nail ngaol. Al heel ngel-i mail, ngadao aqdoevq doevq nail noeq thunq nail phaq ya-a nail ngaol. Al ovqtavq, ngadao Miqyail nail jaiq bhoil ovq nail tsaol-aq pevq lal-a nail ngaol. Maq cov ail nia nail, maq jiiv maq cavq ail nia nail, maq khuq ail nia nail jaiq bhoil al bhai Miqyail nul juq nail haqbhoil nqtavq kovtavq bhai lainq-ai thaq nail ngaol.

Al heel ngel-i mail, nul juq niil aq-il teevq yanq nail lavqkhoel haq nail aoq nail khi laonq daiq nail phaq bhai ya daq khi ngaol-aoq, lavqkhiq tsail yaoq. Heel bhai miqjaq nee tsao tsel daiq nail khe-ai, haq nail aoq nail niil juq, nul juq-i mail neema thaq tsaol nail phaq bhai laonq daiq nail ngaol. Nul juq-i mail neema thaq tsaol nail phaq neq, peivq ail boev ail nia nail heel nee maq tsil aqphoiq phoiq jaiq nail ngaol. Nul juq nail neema thaq tsaol nail phaq laonq daiq nail phaq bhai ya daq khi ngaol-aoq, ivq dao dai jiav haq neq, Yeiqsul Khali dov lee-u phao, aivq-i mail tsiq eeq lavq nail bhai maqkhaiq, seiqleiq khaoqsail bivq lavq nail bhai maqkhaiq, thaq eeq thaq heel lavq nail bhai maqkhaiq, ya nail ngaol.

Nul juq bhai khul-a nail Miqyail meeq nail haol nail khe-ai, nul juq iqsanl aqmeeq aqhaol haol dai doevq yaoq. Khul khi mail dai ngal-aq neq, “Ngal aqmeeq aqhaol ngel-i mail, nul juq iqsanl ya meeq ya haol nail ngaol” dai, Jal liq lavqkhoel bhai gevq-ai thaq nail ngaol.

Aq-u phao, nul juq khul teevq phaq iqsanl maq heeq nia nail ngel-i mail, yovqgavq nail aqsivq haqjoil nail neekhaol nee doevq-a nail ngaol. Niil aq-il al hai thaq gaoq doevq. Daoq nal daiq nail yaq khe-ai doevq yaoq.

Al heel ngel-i mail, neema lavqkhoel bhai aqmeeq-ai lainq khi, neema bhai gaq lai dai doevq yaoq. Yeiqsul Khali dov lee-u phao, aivq-i mail nul juq bhai bivq lavq nail geeqlaoq eel jaol bhai aqmeeq-ai noeq thunq yaoq.

Khul khi mail dai ngal-aq neq, “Tsaol-aq iqsanl mail moeqgaq khe-ai dul nail ngaol. Aqyu juq nail khaoqsail iqsanl moeqgaq aqeiv khe-ai dul nail ngaol. Moeq gaq neq, khuq ail kov ail khi, aqeiv iqsanl ga kha-ail nail ngaol. Thail hai ngaol-aoq, Miqyail nail daoq neq, nqmaq maq luv hal yeel ivq nail ngaol” dai, ge-ai thaq nail ngaol. Daoq al daoq neq, nul juq bhai cavq bhiq-a nail lavqkhiq tsail nail geeqlaoq daoq al daoq ngaol.