Popular Bible Verses from 1 Yaolhaq 3

Share

Ngaq nail yaq juq-ol, moeqthaoq-i mail ge khi taivq-ail thaq gaiq-a, nl nail hal nail lavqkhoel nee, mal dil goil nail gaiq-a nail phaq bhi dov lal yaoq.

Khali neq, ngadao nail haqbhoil yeel danq-a nail ngel-i mail, ngadao goil nail gaiq-a nail phaq bhai heeq kivq lal-a nail ngaol. Ngadao iqsanl aqivq jaqbheq juq nail haqbhoil yeeldan heeq phaq-ail tsaq nail ngaol.

Aqbhu Miqyail neq, ngadao bhai kha dai gaiq-a nail dai, saol-nvq daiq yaoq. Ngadao bhai Miqyail nail yaq dai, mil lavq-a nail ngaol. Ngadao neq, mal dil aivq nail yaq ngaol. Miltsaq yaq juq aivq bhai maq heeq nia nail ngel-i mail, ngadao juq bhai iqsanl maq heeq nia-ail.

Oeqbal khal nl nail tsaol-aq neivq heeqphaq nail yaq ngaol. Khul khi mail dai ngal-aq, neivq heeqphaq neq, iqmoeq-u nee mail oeqbal nl-a nail ngaol. Al heel ngel-i mail, neivq heeqphaq nl nail hal nail phaq bhai lav cov nail dai khi, Miqyail nail Yaqyov dov lee-a nail ngaol.

Miqyail nail yaq pevq lal-a nail juq neq, oeqbal maq nl-ail. Khul khi mail dai ngal-aq, Miqyail nail aqiq aqyu juq nail lavqkhoel bhai doevq nail ngaol. Aqyu juq Miqyail nail yaq pevq nail ngel-i mail, oeqbal maq nl-ail.

Thail hai ngaol-aoq, tsaol-aq khul gaq maqkhaiq, miltsaq khe phul heel ildaoq maoqgaiq jiav khi, aivq nail aqivq jaqbheq haq nail aoq nail bhai moel-u phao, gaoq haq gaiq-a nail neema maq aol haq neq, Miqyail nail goil nail gaiq-a nail phaq aivq nail lavqkhoel bhai aol nia naol laiq.

Miqyail-i mail bivq thaq ail ceevq-a nail daoq bhai nal daiq nail tsaol-aq, aivq nail lavqkhoel bhai jaol khi, aivq iqsanl tsaol-aq al gaq nail lavqkhoel bhai jaol nail ngaol. Aivq ngadao nail lavqkhoel bhai jaol nail ngaol dai, ngadao niail hai heeq kivq nail ngaol. Aqhaqlal Miqyail ngadao nail lavqkhoel bhai bhi jaol lee-a nail ngaol.

Al heel ngel-i mail, Miqyail nail yaq khi mail neivq heeqphaq nail yaq bhai, aqmeeq-ai tsel pav kivq nail ngaol. Aqtsaq aqdaol daol dai maq khal nl nail tsaol-aq, Miqyail nail yaq maq ngel-ail. Al hai dul dai, Yovqgavq nail aqivq jaqbheq bhai maq gaiq-a nail tsaol-aq iqsanl, Miqyail nail yaq maq ngel-ail.

“Nul juq teevq gaq nee teevq gaq gaiq-a yaoq” dai, ge-ai thaq nail daoq al daoq bhai, iqmoeq-u nee mail nul juq ya gaiq-a nail ngaol.

Aqivq jaqbheq juq-ol, miltsaq yaq nul juq bhai neejiav jiav nail bhai, noeq-u maq dov dai, thaq pevq-ail.