Popular Bible Verses from 1 Gaolliqthu 6

Share

Nul juq nail aqmaol neq, Meeq nail Haol nail Aqhaqlal nail uqhuq thaoq nail ilkhaol il ma ngaol dai, nul juq maq heeq kivq ail laiq. Aivq neq, Miqyail nee mail dov lee khi, nul juq nail lavqkhoel bhai jaol thail thaiq nail ngaol. Nul juq nail aqmaol neq, nul juq nail maq ngel-ail. Khul khi mail dai ngal-aq neq, Miqyail aqphoiq bivq khi, nul juq bhai ul kovq-ai thaq nail ngaol. Al heel ngel-i mail, nul juq nail aqmaol lavqkhoel Miqyail nail seiqleiq khaoqsail bhi dov lal yaoq.

Maq tsaq maq daol nail tsaol-aq, Miqyail Milkhaoq lavqkhoel-ai maq ya aol lai ail dai, nul juq maq heeq kivq ail laiq. Thaq noeq bheeq dei-eiq. Khaqmiq sev nail, thaoq phaoq aqma maolkhoel bhai uqhuq thaoq nail, yu nail khaqma bhai bheeq nail leel nail, yaqyov-aq aqtsaoq gaiqlaq bhai maq nl khaoq nail phaq nl nail, yu nail yalkav khoiq nail, neekhaol jiav nail, khaq mao iqsanl jil pheeq daol bov nail, khal ge movq ail ge nail, yu nail yalkav bhai khoiq khi kav jaq nail, al heel nail tsaol-aq Miqyail Milkhaoq lavqkhoel bhai maq ya aol lai-ail.

Yu nee mail bheeq nail phaq bhai gaoq ceiv ceiv ail yaoq. Tsaol-aq-i mail nl nail oeqbal yaoq phaq yaoq iqsanl mail, yovqgavq nail aqmaol lavqniil phao nl nail ngaol. Thail hai ngaol-aoq, yu nee mail bheeq nail tsaol-aq, yovqgavq nail aqmaol bhai nl bheeq-a nail ngaol.

Nul juq neq, “Ngadao yaoq phaq yaoq-ao nee nl kivq nail aqkhaoq-anq jiav naol” dai ge nail ngaol. Nl kivq khi ngaol-aoq, yaoq phaq yaoq-ao nee ganl tsoiq nail maq ngel-ail. “Ngal yaoq phaq yaoq-ao nee nl kivq nail aqkhaoq-anq jiav naol.” Thail hai ngaol-aoq, khul phaq nail kov-uvq bhai maqkhaiq, ngal yaqkav maq jiovq.

Miqyail aivq nail bhaqaoq-i mail Yeiqsul bhai bhi doevq kovq lal-a nail khe-ai, ngadao bhai iqsanl bhi doevq kovq lal nail ngaol.