Popular Bible Verses from Pulosay kágad pa Rumián 12

Share

Gón é donyáyá hamrang o hamdróshom mabét, wati pegr o pahmá nók bekanét o watá badal kanét tánke shomá é zántá sar bebét ke Hodáay razá ché ent, kojám chizz sharr o kámel ent o Hodáyá pasond ent.

Oo brátán! Mani dazbandi gón shomá esh ent ke Hodáay rahmá bechárét o wati badaná chó zendagén korbánigéá pésh bekanét ke pák o palgár ent o Hodáyá pasond ent. É shomay hakkigén ebádat ent.

Wati ométay sará gal bebét, sakkiáni tahá sabr o ópár bekanét o wati dwáyán modám barjáh bedárét.

Mayl ke badi tai sará sardast bebit, gón nékiay zórá badiá érdast bekan.

Gón bráti mehré, yakdegará dóst bedárét, pa sharap o ezzat dayagá cha yakdomiá démáter bebét.

Shomay mehr báyad ent pa del bebit. Shomá cha badiá naprat bekanét o gón nékiá hamgranch bebét.

Haminchok ke shomay dastá bit, gón harkasá pa sohl o émeni zend begwázénét.

Oo dordánagén dóstán! Bér magerét, kahr o gazabá pa Hodáyá bellét. Chéá ke nebeshtah ent: “Hodáwanda gwashit: ‘Béray gerag mani kár ent, sezá dayók man án.’”

Sharrén kárá sosti makanét. Gón Pákén Ruhay zórá wati kárá pa hobb o wáhag bekanét. Hodáwanday ebádat o hezmatá bekanét.

Gón hamé rahmatán ke maná bakshag butagant, shomárá har yakkéá gwashán ke watá cha wati kadd o kesásá borzter sarpad mabét. Haminchok imánay andázahá ke Hodáyá shomay sará bahr kortag, hamá imánay hesábá watá hamá kesás sarpad bebét ke hakk o delá hastét.

Gón kassá badiay badalá badi makanét. Hamá káráni randá bebét ke harkasay chammán sharr ant.

Gón yakdomiá pa hamdeli zend begwázénét. Pahr o shán makanét, kamterénáni hamráh bayagá lajj makanét. Watá báz dáná sarpad mabét.

Bér geragay badalá: “Agan tai dozhmen shodig ent, waráki beday, agan tonnig ent, ápi beday, taw ché chosha kanay, áiay sará rókén jal o eshkar pera réchay. ”

Agan kasé shomárá ázára dant, pa áiá barkat belóthét, barkat belóthét o nálat makanét. Agan kasé shádeha kant gón áiá shádeh bekanét o agan kasé grét gón áiá begréwét.

Hodáay palgártagénáni hájatáni purah kanagá gón bebét o mehmándóst bebét.

Anchó ke may yakkén badaná bázén ázáé hast o sajjahén ázáyáni kár yakk naent, hamé paymá má ke báz én, Masihay barkatá yakkén badan én o cha má har yakké anchén ázáé ke gón á degarán hamgranch ent.