Popular Bible Verses from Zabur 91

Share

Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Hamá ke borzén arshay Hodáay panáhgáhá neshtag, zórákay sáhegá áráma gipt.

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.

Tai bárawá préshtagán hokma kant ke tai sajjahén ráhán, tai negahpániá bekanant.

Á tará gón wati poth o bálán póshénit o áiay bánzoláni chérá panáha bay, áiay wapádári espar o diwálé.

Agan Hodáyá wati panáh bekanay, borzén arshay Hodáyá wati menendjáh, hech kazá tai sará sarzóra nabit o hech baláh tai gedánay nazziká nayayt.

Deljam án ke hamá tará cha shekáriáni dámá rakkénit, cha koshókén wabáyán.

Hazárán kas tai kerrá kapit, dahán hazár tai rástén némagá, bale é tabáhi tai nazziká átka nakanant.

Cha shapay bimmá natorsay, na cha á tirá ke róchá srapit, na cha wabáyá ke taháriá gardit, na cha á hawpá ke némróchá béránia kárit.