Popular Bible Verses from Zabur 51

Share

Oo Hodá! Mani daruná pákén delé bejórhén o mani del o jabiná padá mohrén ruhé byár.

Wati dátagén rakkénagay shádehiá padá beday o maná morádigén ruhé bebaksh.

Maná cha wati bárgáhá dur maperrén o wati Pákén Ruhá cha man pach mager.

Hodáay delpasondén korbánig, proshtagén arwáh ent. Oo Hodá! Proshtag o tawbahkárén deléa taw jahla najanay.

Oo Hodá! Pa wati mehrá bechár o mani sará rahm kan! Cha wati békesásén rahmatán náparmániánon gár kan. Pa sarjami maná cha mayárbárián beshód o cha gonáhánon pák kan!

Gón zupáay lambán pákon kan ke pákizaga bán, maná beshód ke cha barpá espéttera bán.

Man tai helápá, tahná tai helápá gonáh kortag o hamá káron kortag ke tai chammá bad ent. Paméshká, taw ke habara kanay barhakk ay o dádrasiay wahdá béayb ay.