Popular Bible Verses from Pédáesh 27

Share

Hodá tará cha ásmánay nód o zeminay séri o hazgáriá béhesáb dán o tázagén sharáb bedayát. Kawm tai hezmatá bekanátant o ráj tai démá kóndhán kapátant. Wati brátáni wájah bátay o tai mátay chokk tai démá kóndhán kapátant. Harkas tará nálata kant, wat nálati bát o harkas ke tará barkata dant, áiá barkat berasát.”

Issuá gwasht: “Paméshká námi Ákub ent. É domi rand ent ke maná répénit. Pésará mani pédáeshi hakki wárt o nun mani barkati bort.” Padá josti kort: “Taw pa man hecch barkat pasht nagétkag?”

Áiay pet Esáká gwasht: “Tai hankén cha zeminay séri o hazgáriá bébahra bit o cha borzén ásmánay nódán ham. Taw pa zahm wati rózigá dara géjay o wati brátay hezmatá kanay, bale wahdé bézára bay, wati brátay jogá cha wati gardená kasshay o chagala dayay.”

Issuá gón wati petá gwasht: “Mani pet! Tai kerrá barkat hamé yakkén at? Maná ham barkat beday, mani pet!” O Issuá zár zárá grét.