Popular Bible Verses from زَبور 63

Share

او هُدا! منی هُدا تئو ائے، گۆن وتی سجّهێن دل و جانا تئیی شۆهازا آن، اَرواهُن تئیی تُنّیگ اِنت و جسم و جانُن تئیی هُدۆناک، بےآپ و هُشکێن زمینێا.

چیا که تئیی مِهر چه زندا شَرتر اِنت، منی لُنٹ ترا نازێننت.

تان زندگ آن ترا نازێنان و په تئیی ناما دستان بُرزَ کنان.

تئیی پاکێن جاگها، منا تئیی شُبێن بوتگ، تئیی شان و کدرتُن دیستگ،

تئیی بانزُلانی ساهگا ترا نازێنان، چیا که تئو منی مَدَتکار ائے. اَرواهُن گۆن تئو بندۆک اِنت و راستێن دستِت منی پُشت و پناه.

وتی بسترئے تها هم ترا یاتَ کنان و شپانی پاسان تئیی هئیالا بان.