Popular Bible Verses from مَتّا 15

Share

بله هرچے که چه دپا درَ کئیت، چه دلا چِستَ بیت و همے چیزّ انسانا سِلّ و ناپاکَ کنت. چێا که بدێن پِگر و هئیال، هۆن و کۆش، زِنا، بێننگی، دُزّی، درۆگێن شاهدی و کُپر چه دلا چستَ بنت.

چیزّے که دپا رئوت، مردما ناپاکَ نکنت، بله هما چیزّ که چه دپا درَ کئیت، مردما ناپاکَ کنت.“

اے مردم دپا منا اِزّتَ دئینت، بله دلِش چه من سکّ دور اِنت. اے مُپتا منا پرستشَ کننت و مردمانی راه و رَهبندانی تالیما اَنچُشَ دئینت که گوَشئے هُدایی هُکم اَنت. “

گڑا ایسّایا آییئے پَسّئوا گوَشت: ”او بانُک! تئیی ایمان مُهر و مُهکم اِنت، هما ڈئولا بیت که تئو لۆٹئے.“ هما دمانا آییئے جنکّ دْراه بوت.

گڑا جنێن آییئے پادان کپت و گوَشتی: ”او هُداوند! منا کُمکّ کن.“ گوَشتی: ”چُکّانی نگنئے پَچ گِرگ و کُچکّانی دێما دئور دئیگ شَرّ نه‌اِنت.“ جنێنا گوَشت: ”هئو، او هُداوند! بله کُچکّ هم نگنئے هما چُنڈانَ ورنت که چه آیانی واهندانی پرزۆنگانَ کپنت.“