Popular Bible Verses from مَتّا 13

Share

بله آ تُهم که شَرّێن زمینا رِتکنت، هما مردمئے مِسال اِنت که هُدائے هبرا گۆشَ داریت و سرپدَ بیت و بَر و سمرَ دنت، بازێنے سَد سری، بازێنے شست سری و بازێنے سی سری.“

آ تُهم که چِرِکّ و ڈَنگرانی تها رِتکنت، هما مردمئے مِسال اِنت که هُدائے هبرا اِشکُنت، بله دنیایی پرێشانی و مال و زَرّئے دِلکَشّی و پرێب آییا رَدَ دئینت و نئیلنت که هُدائے هبر بسَبزیت و بَر و سَمر بدنت.

وهدے کَسے هُدائے بادشاهیئے هبرا اِشکنت بله سَرپدَ نبیت، گڑا شئیتانَ کئیت و هرچے که آییئے دلا کِشَگ بوتگ، آیان درَ کنت و بارت. اِش اَت راهئے سرا رِتکگێن تُهمانی مِسالئے مانا.

آ تُهم که ڈَل و ڈۆکانی تها رِتکنت، هما مردمئے مِسال اِنت که هُدائے هبرا اِشکنت و هما دمانا په گَل و شادِهَ مَنّیت، بله اے سئوَبا که ریشّگ و وَنڈالی نجتگ، هُدائے هبر آییئے دلا تان دێرا نمانیت. وهدے هُدائے هبرئے سئوَبا سَکّی و سۆریانَ کپیت یا آزارے رسیتی، هما دمانا چه راها ٹَگلیت و کپیت.

”آسمانی بادشاهی گنجێئے پئیما اِنت که ڈگارێا چێر دئیگ بوتگ‌اَت. وهدے کَسێا در گێتک، گل بوت و پدا چێری دات و شت و هرچے که آییا هست‌اَت، بهایی کرتنت و هما ڈگاری په بها زُرت.

اے دگه تُهم شَرّێن زمینا رِتکنت، رُستنت و هۆشگ و بَرِش دات، جاهے سَد سَری، جاهے شست سری و جاهے سی سری.

تان رُنَگئے وهدا بِلّی هۆریگا رُدنت، رُنَگئے وهدا گۆن رُنۆکانَ گوَشان: ”پێسرا زَهریچکان بگْوَجێت و په سۆچگا گْرامبَند بکنێت، رَندا گندمان بیارێت و منی اَمبارا اێر کنێت.“‘“