Popular Bible Verses from Luka 3

Share

Ko joi joliela, aki bant’auma oinamaka nd’asi, wae Yesu aolinama ngoko, ko ayoonde, loola lokombwa, ko Bolimo w’olotsi aokitela el’ende la jonge, ngol’embenga, ko lofoso loyaki lima loola wae, We ole bon’okami ow’eefe, w’onjoky’emi ekemo mongo.

Yoane mongo aolamba, aolakela iy’auma, Nsosolo emi njin’inyo nd’asi; lolo omo ifoya ondekol’emi la mpamba, mpeji wae ntungole bekulu bia bikoto bikae: ende ifin’inyo nda Bolimo w’olotsi ko la tsa

Locw’amuka bandeji l’eututaelo ea baoyi’obe, ko taloangake okela nd’etema’ekinyo, Iso tole l’Abalayama ise ekiso; el’emi nsangel’inyo, Nzakomba aemeya bana b’Abalayama lima bikenje bine.

Aeyoko yanda yolilama nda wili wa betamba; nd’ewela eko, wengi botamba bofocw’amuka b’olotsi wumbama, ko wusama nda tsa.

ngole joi jokotama nd’onkanda w’aoyi ba Yesaya ow’oteli, Lofoso j’ont’omo obeleza nd’etekeleke, Loongya mboka ea Yawe, Locilaza mboka ikande ci. Wengi wao wifosakela, Ko ngongo iuma la bekonji beuma bifokitezama; Ko bakumba bifosembwa ci, Ko mboka ya kootoko-kootoko ifoyala tande; Ko bant’auma bifena loiko ja Nzakomba.