Popular Bible Verses from Ba-Loma 1

Share

Lacin’emi mpoke bosimo bon’olotsi nsoi: boho boyali mpamba ena Yakomba enikya boto l’oto onimedya: Bise-Yuda en’oso, koko Bise Elene nk’osamb’oho.

Lacina mbongi ena Yakomba emenya la boho en’imeedyo nk’eneyali imeedyo, yoka bosamb’onoyali yoi linalitengi: Koko bana mbongi bangika l’imeedyo.

Lacina baoyi’atiande banatanya en’enunwelo ena lokonko mpamba enande la lifoka linande lina Yakomba— baoyi’aho bamenya fololo, ko bameya na l’ikambwa bininunolama; ko iyo bafana nkuto

lacina iyo baeyaki Yakomba, koko batakumy’ende yoka Yakomba, ko batokanga lokangof koko bayalamaki bototoloto ena ntango iniyo, ko bilima bokwelaki betem’eniyo benetaata bomwu.

enek’iy’oenganyaka solosolo ena Yakomba la yoi lina mpota, ko bafikaki ko basaelaki bikambwa bininunolamaki; batafika Honunoli ononunolaki biho, onokumyama bisike l’isike. Ndoho.

Lacina nkele ena Yakomba emenya ena loola, nkele enefekya baoyi bahatu banafasangi la Yakomba, la biinda bona mbongi bon’ato banasimba solosolo eho la baoyi baninda mbongi

La ncin’ene, Yakomba amolaumbela lacin’eho baitane la mpo sa ina nsoi mene, eneki bayato’aniyo ohalingolaka bokotu’oniyo bon’oyoto bonakolana, ko bailaki bokotua bonofakolana l’oyoto; ko mpanie nk’osamb’oho, bacikaki bokotua bon’ayato bonakolana, ko iyoamene baokanaki mposa iniseki’owe, mpame la mpame imoi bayakambe baoyi banaseki nsefo, ko bayatambe eneyal’iyoamene boluko bonokoli l’ikambwa biho bina nsoi. Koko yoka bosamb’onotalang’iyo lacina baeye Yakomba, ende aumbelak’iyo lacina bakile nkanyi ina bofedya, lacina bakambe bikambwa binifakolana.

Bailaki iy’ate bayali la bomwu, obonde ba yalamaki tolemeleme mene, ko bahalingolaki bokoka bona Yakomba onofawu lacina boho boyalame ekolanya en’efoya en’oto onowa, k’l’ena mpulu, l’ena nyama, l’ena towawa tonatoyosumela.