Popular Bible Verses from Loma 6

Share

Kadi lufutu ya masumu ikele lufwa, kansi matabisi ya nlemvo ya Nzambi ikele moyo ya mvu ya mvu, mu Klisto Yesu Mfumu ya beto.

Kadi masumu tayala beno ve, kadi beno ikele nansi nsiku ve, kansi nansi nlemvo.

Buna beto zikwaka sikamosi na yandi mu mbotika mu lufwa, na bonso Klisto fulukiswaka tuka bafwa mu nkembo ya Tata, buna beto mpe fwiti kutambula mu moyo yampa.

mpe pesa ve biela ya beno bonso binwaninu ya konda lunungu ku masumu, kansi beno dipesa kwa Nzambi bonso na moyo ya imene kutelemiswa tuka bafwa, ye pesa biela ya beno bonso binwaninu ya lunungu kwa Nzambi.

kadi beto zaba yai, na muntu ya beto ya nkulu komwaka va kulunsi sikamosi na yandi, na nitu ya masumu lenda kukatulwa, na beto tavanda mpika ya masumu diaka ve.

Mpilayai beno mpe banza beno imene kufwa ku masumu, kansi kwa Nzambi beno ikele na moyo mu Klisto Yesu. Ngal. 2:20

Buna beto tatuba nki ? Beto tavanda mu masumu na nlemvo lenda kwiza mingi ? Mpilayai ve. Beto ya imene kufwa ku masumu, mpila nki beto tavanda mu yau diaka ?

Beno zaba ve, kwa muntu ya beno dipesa bonso bampika, ku lemvukilu, buna beno ikele bampika ya yandi ya beno lemvuka, keti ya masumu ku lufwa, keti ya lemvukilu ku lunungu.

Kansi matondo kwa Nzambi, bonso beno vandaka bampika ya masumu, beno imene kulemvuka tuka ntima ya beno malongi yina ya longwa kwa beno. Ye beno imene kukangulwa tuka masumu, beno imene kukituka bampika ya lunungu.