Popular Bible Verses from Apocalipse 13

Share

Haskakẽ unãnepahairatũ nĩka pehairawatã tanairã, eskatiki. Matu yuinũ nĩkakãwẽ. Yuinaka ewapa mese atimapa hawẽ número 666rã, huni betsã hawẽ kena unãmati númeroki. Ha número unaĩnã, bikahairabia unãnepatũ besti tanatirubuki.

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

hanushũ dasibibu hatiri shanẽ ibubu inũ shanẽ ibubuma inũ, hatiri mabuwãyãbu inũ nuitapaibu inũ, hatiri tsuãra tsumabu inũ tsumaumabu yuinaka mese atimapa ha katxukeatũ hawenabu unãti wakĩ betsabu habũ mekẽ yusiuri tushkutimawẽ netãkĩ betsabu habũ betũkuki netãkĩ wabu tsuabura ha yuinaka mese atimapã kena inũ hawẽ unãti número hayabumanã, hawa habũ hatũ hamapai inãtirubuma inũ bitirubuma hatu wamashanikiki.

“Tsuara bitxiti hiwe anu iyukatsi ikĩ bitxiti hiwe anu hatu bitxishãkanikiki. Hanushũ tsuara nupe txaipawẽ hatu tenãkatsis ikĩ nupewẽ hatu debuwashãkanikiki”, habũ txanima Deus ikũwãkĩ habũ hawa xinã betsa wama hatũ kuxipa hatu uĩmashãkanikiki, ikũwaĩ meribibunã.

hanua yuinaka ewapa mese atimapahaira iãnẽwanua mapekeai ẽ uĩshu matu yuinũ nĩkakãwẽ. Hawẽ bushka sete haya inũ, dez mashũyã inũ ha tibiki shanẽ ibũ maiti maiaki. Ha dikabi hawẽ bushkaki Deuski shetxakati hawẽ kenaya hayaki.

ha dikabi yuxibu sheanã hau Deus txibãkĩ Jesus ikũwaĩbube detenamei hau hatu maemanũ kuxipa inãkĩ yunutã yura betsa shukuabu tibi inũ, mae tibi hiwebaunabu inũ, hãtxa tibi yuiaibu inũ, nawa mai pakea tibi anu hiweabu shanẽ ibukũkaĩwẽ, ikĩ hãtxa wakĩ menekẽ

hatu haska washũ uĩmakĩ ha yuinaka mese atimapa ha dukũtũ besuuri hamapai atimaska akaiwẽ yurabu dasibi parãkĩ ha katxukeatũ yunukĩ yuikĩ: “Yuinaka mese atimapahaira ha tsuãra bushkaki txatxini mawa ana bestẽni hiwea keska ha itsa damiwarikãwẽ”, hatu wa ma damiwabũ yuinaka ha katxukeatũ ha ha dukũ yuinaka mese kuxipa inã ha damiwabu hiwemakĩ hãtxamaya habũ ha kẽwãbuma hau hatu tenãnũ

Ha inũ, hawẽ yura inu keneya keska inũ, hawẽ tae inu betsa mexupa urso itamama tae keska inũ, hawẽ hashpa inu leão pubẽhaira keskaki. Haska inũ, yuxibu sheanãtũ ha yuinaka mese atimapahaira hawẽ kuxipa pae inũ, hanu shanẽ ibui haki tsaumis inũ hawẽ yunuti kuxipahaira inãkĩ yunua

hanushũ yuxibu sheanãtũ yuinaka mese ha kuxipa haska tibiwẽ hau kuxipanũ yuikĩ: “Hamapai hãtxa atimapai Deuskiri shetxakai 42 ushe kuxipakũkaĩwẽ”, aka

hawẽ bushka betsa tenãnũ, iwanã, tsuãra txatxikĩ debuwani keska ma buni baka haya mai anu yura dasibibũ ha mese uĩ e iki dateyabi: “Habaa!” ikĩ uĩkĩ txibaĩbũ

Hanua yuinaka ewapa mese atimapahaira betsa mai meranua tashnikirana ẽ uĩshu matu yuinũ nĩkakãwẽ. Txashuwã bake mashũ dabeya keska yuxibu sheanã dunuwã taeya Satanáskirã parananaĩ hãtxai ha yuinaka mese atimapa betsarã, ha ha dukũ tenãnibubia ma hawẽ dete bunitũ hawẽ kuxipa dasibi hayatũ ha bebũshũ mai hirabi anu hiweabu ha ha dukũ yuinaka mese atimapa hatu kẽwãmakubaĩkĩ