Popular Bible Verses from Filipenses 2

Share

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ. Haska inũ, betsarã, hawara mã akai inũ mã biairã, matunas bestikiri xinãkĩ mã amis akama hakia ikũwaĩ betsa shabakabi hatu uĩmariakĩ hawara akaibu hatu merabewakĩ ashũriakubaĩkãwẽ.

Tsuabũra Jesus Cristokiri haska mã xinaĩnã, haska Cristõ xinãkubaini keska betsabukiri xinaĩrakubaĩkãwẽ.

“Cristo Deus itsabia haskas xinaĩ keãma hiweniki. Hawẽ kuxipa beshtekekĩ heneyubirã nuku keskakĩ nukũ yura bitã na mai anua dasibibu merabewai habũ tsuma ikũkainikiaki. Hamebi babutã hawẽ Epã yunua txibãkubaini mawanũ ika ikũkaini cruzki dunua mawaniki.

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

Haskawẽ taeshũ Deusũ kẽhairawakĩ hatu binu keyumakĩ kena kuxipa pepa tsua haska hayama Jesus inãniki, hau ha Jesusũ kena nĩkatã dasibibu nai anua inũ, mai anua inũ, hanushũ mawabũ yushĩ manamisbu anushũ habũ kẽwaĩ dãti itã dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Mã ma haskarã, ana tsuabura nãtakeabuki nĩkabumabiakẽ matũ hãtxa hamẽ ha ikĩ txakawama inũ ana ha irabeama pe hiwekubaĩkãwẽ. Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.