Popular Bible Verses from Números 13

Share

haskaibu Calebe hatube kashũ uĩriatãshĩshũ yurabu inũ Moisés bebunua ha ibaunaibu hatu hãtxa nesewatã hatu yuikĩ: —Kushipatã ha mai pakea hatu mebinãshãkãwẽ. Hatũ mae tibi atxitã nũ ibuwatirubuki— hatu waya

Ha dikabi Anaque enabu keyatapa ewapa pakubainaiburi nũ uĩriashinaki. Nũ hatube nia tananamearã, nũ hatu namã shini tiubuki. Habũ nukuri habiaskari nuku uĩshinabuki— hatu wabu

habe butãshĩshũ Calebe kemakĩ yuikĩ: —Hamaki. Haskamahairaki. Nũ hatube detenametirubumaki. Haburã, kushipahairabuki, nuku binuarã— ikĩ

Israelĩ enabu dasibi habu dasibibu butãshĩshũ hatu yuikĩ: —Hari kashũ ha mai pakea nũ uĩbaũtãshinarã, txakabuhairaki. Ha yura hanu hiweaburã, yura betsabu betxipaiama hatu detemisbuki. Yura ewapabu mirima nũ hatu uĩshinaki.

habuã Moisés yuikĩ: —Ha mai pakea anu mĩ nuku yunua hanu kashunã, txanimahaira awa txutxu inũ buna batapa hene habai keska piti pepa hamẽ ikikiki, na piti haska sharabu yunu hayarã.

Hakia ha yurabu hanu hiweaburã, kushipahairabuki. Hatũ mae ewapahaira mishkiwẽ kenekauana keyatapahairaki. Hanua hatube detenamenũ ika tsua hikitirubumaki. Ha dikabi, Anaque enabu keyatapa ewapabu pakubainaibu nũ uĩriashinaki. Nũ hatuwẽ dateshinaki.

Mai tsusĩ anu sulkiri Amaleque enabu itxapa hiwebaunabuki. Heteu nawabu inũ, Jebuseu nawabu inũ, Amorreu nawabu mati matipa anu hiwebaunabuki. Ianẽwã ewapa kesha anu inũ Hene Jordão keshabukũ Canaã nawabu mirima hiweriabuki— hatu waibũ

Parã hanu tsua hiweabuma anu mae betsa hawẽ kena Cades anu Moisés inũ Arão inũ Israelĩ enabu dasibibu hanushũ hatu manai maniabu anu hatuki ana nukutã haska ha mai pakea anu uĩbaũshinabu dasibibuki txanikĩ bimi pepa hanua beshiãbu hatu uĩmabaũkĩ keyutã