Popular Bible Verses from Hebreus 8

Share

Hatũ txakabu hatu buashũtã ẽ ana haska hatukiri xinãma ikũkaĩshanaii”, aka hawenabu yusĩtã Jeremiasĩ nukuri keneshuniki.

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

Hatiã ẽ hatu haska wakẽ ẽ hatũ mekenã Deus dasibibũ unãshãkanikiki, shanẽ ibuhairabu inũ hawaumabũrirã. Dasibi habũ ma ibubis ea unã keyuaibũ tsuabũra hawẽ haibuaibu inũ hawẽ betsabu ekiri hatu xinãma ishãkanikiki.

Hakia ha yurabu Deusũ uĩa hawa hawẽ yunuti pe txibãbumakẽ hanushũ hatukiri hawẽ yuishunika Deusũ Jeremias yuikĩ: “Deusũ yuikĩ: Hawatiãra Israelbu inũ Israelĩ bake betsa Judã bababube ẽ hatube yubakai benashanaii.

Nũ haska hakiri hãtxairã, nuku Deusbe hãtxashunika binua nũ ha xinã kaya wairã, nai anu hawẽ ibu Deusũ tsauti yusiuri nuku tsaushunaki.