Popular Bible Verses from Hebreus 12

Share

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ. Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Ha inũ, txanima Deusũ pewakĩ nuku kupia shuama mebiatã txipu hakimatã hanushũ hawẽ yusĩa pepa tapĩkĩ hawẽ hiwea unãnuma pe hiwekũkainai unãtirubuki.

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Hanu Deus shanẽ ibui hiwemis hawẽ shanẽ nuku hanu hiwemashanairã, hawa maeama ishanikiki. Haskakẽ Deus pehaira wakĩ kẽwãkĩ xinã txãkãwãkĩ haki mesekĩ hawara haska abuai keska benimawakĩ ashũkubainãkãwẽ.

Ha inũ, huni dasibibũ hatũ bakebu abukĩ yusĩkĩ hatu pewamiswẽ taeshũ: “Ẽ bakebu pewanũ”, iwanã, hawara bika Deusũ matu tenemakĩ matu pewaikiki, matu besti pewamarã, hakia ikũwaĩbu betsa betsapa habiaskasri hatu wakinã. Hamẽ bika tenemakĩ Deusũ matu pewama mã hawẽ bakema keska itiruki, bake ibuuma keskairã.

Nukũ Deus kuxiparã, txi keskaki, dasibi yamawakĩ keyutirurã.

Na mai anu nuku hiwemakĩ yumewakĩ nukũ ibubũ yusĩkĩ bika tenemakĩ nuku beshmas pewayunibuki. Hakia nũ Deusunabu meribi wakĩ nuku pewakĩ bika tenemakĩ Deusũ xinãmis keska txanima nukũri nũ xinãkubainũbũ Deusũ nuku pewakubaĩmiski, nuku ha keskari wanũ ikarã.

Ha inũ, txakabu tibi binui mã bika tenekubainai Jesus nuku ishuni keskai tsua mã mawariamaki.