Popular Bible Verses from 2 Coríntios 6

Share

Haska matubũ mã ikũwaĩnã, ha habũ ikũwãbumabe Deusũ matu ana hatube ketashamekatsi ikama xinãnishũ xinãmiskiri matu yuinũ nĩkairakãwẽ. Hawara Deusuna peparã, ha danaĩ pepabe husitirumẽ? Shaba pebiakẽ mexũ haibuai shabatirumẽ?

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii, matu haska watã ẽ bakebu matu wai matũ epa ẽ ikũkaĩshanaii”. Deus kuxipa dasibi binuatũ yuiai hawẽ hãtxa yuishunikabũ nĩkatã keneniki. Habiaskari ẽ matu yuiaii.

Habiaskariai Cristo Satanásbe haibunaĩ pepatirumaki. Ikũwaĩbu betsari ikũwãbumari hatube haibunaĩ pepatirumaki.