Popular Bible Verses from Titɛ̀n 3

Share

Tɛ́n ɛnvra léyi Ɔwɔ, bɔ́ Ebɩ̀die-wrɔn yé bɔ̀ n'anwɔwɔ mán n'ɛcüɛ̀n, anwrɔnẅì kruhú nɔn, nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn. Ɔmuhi Ɔwɔ wá bɔ̀ Ɛnhɛ́n Prɔnprɔn cüì bobrebe edomɛ̀n bɔ́ Ebɩ̀die-wrɔn Zhezü Krisì bɩ́mɛ̀n, ɔmu lɔ de nɛ́n nboafɔ̀n kɛ srɔ bɔ̀ ɛnyrɔnnan-bɔ̀ n'ezìwú, ô kɛ̀ hán bɔ̀ bɔ́ cɔ́ ɛwúvà léyi ke sɩ́ trɔa hɩ bɔ̀ ẅɛn esɛ́ n'ɛwú nɔn.

È kro ɔmùan-zri-di-bɔ̀ le, ke ji le yɔ die ɛcüìcüì-bɔ̀ mán ɛkɔrɛ̀levri-bɔ̀ nukùɛ, ô yɔ krɔn kpehɛ́n yɔ hán eci ankrànkràn. Yɔ bɩ́ dɔ́ ɔwrɔn zriɛmɛ́n ankà-gbàn, yɔ ẅɛn ɛnbɔrɛ wɔwɔ mán ɛcüɛ̀n, ô ɛnvra lɔ fɛn yɔ yé anwrɔn nyàntɛn hɔ̀n y'anwɔwɔ lɔ.

Tɛ́n ke ji le è teze ɔbrɔ̀sà-cüìwrɔn mán bɔ́ nancüì hɔ̀n bɩ́ sheshe ankà-dɔ̀ mán ɛdrɛ̀-hán ɛnyànmàn wú, ankà-sɩ̀ mán anmùan-mɛ̀n-ji-kɔ̀n: eci-hán ndɔ hɔ̀n lɔ fɛn kè sɩ̀ wɛ̀n vɔ̀nshɛ́.

Ɔwrɔn léyi kɛ hán ɛsɔ̀nvoyan kɔ̀hɔ̀n nɔn, è bi ankà ɛ̀ dɔ́ nɛ̀n ɛdɛ̀n zri mán anhyrɛ̀; zɛtɛn, è sɩ́ nɛ̀n ɔhɔ́nan.