Popular Bible Verses from Titɛ̀n 1

Share

Yɔ dɔ̀ le yɔ nyri Ɔwɔ, tɛ́n y'eci-hán ke yé eci nyàntɛn. Yɔ hán egbri ci, yɔ sɩ́ crɔn rɔa kɩ yɔ sɩ́ hán eci ankrànkràn zriɛmɛ́n.

Eci lɔ fɛn nfi tán anwrɔn hɔ̀n léyi nfì nɔn; tɛ́n efì bàdà anwrɔn hɔ̀n léyi ɛnbrá dú edomɛ̀n, hɩ kè sɩ̀ ẅɛ̀n ankàẅì-bùtan, ɔmuhi y'ɛnkruemɛ̀n-ẅɛ̀n mán yɔ wàwúyɛ dú ɛnbrá mɛ̀n nɔn.

Ke ji le nɛ̀n ẅɛn ɛshishiemɛ̀n ɛmɛẅi ankà léyi dú ankàẅì-bùtan ci nɔn nɛ̀n hɛ́n, kè dù kɛ hán Ɔwɔ kɔ̀hɔ̀n léyi nɛ́n cɔ̀ nɔn. Ɔmu lɔ de ne le yɩ́ anwrɔn nyàntɛn hɔ̀n edù ankà annànwɔrɛ yé mɛ̀n kɩ, ne le yé anwrɔn hɔ̀n léyi kɛ kɛ́n nɛ̀n ezì nɔn, y'ɛzɛ̀n ci-hán.

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn. Ke ji le nɛ̀n nyrì ẅɛn nɛ̀nnyàn-bɔ̀, ô nɛ̀n ji eci léyi zrɔ nɔn. Ke ji le nɛ̀n ẅɛn ankà-nyrì, nɛ̀n dú ɛnyrɔnnan-wrɔn, nɛ̀n dú prɔnprɔn, ô nɛ̀n nyrì ẅɛn n'edomɛ̀n.

Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n.