Popular Bible Verses from 2 Korɛntɛ̀n anmàn-bɔ̀ 4

Share

Ɔmuhi bɔ́ sɩ́ hɛ́n bɔ́ esùvá-wá eci léyi bɔ́ kàn nɔn wú, tɛ́n esùvá-wá ke dú bɔ̀ eci léyi bɔ́ sɩ́ kán nɔn wú. Eci léyi yɛ kàn nɔn, ke sɩ́ mɔɛnhán, tɛ́n, hɩ léyi ye sɩ́ kán nɔn, dú ɛnvra lɔ fɛn.

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì. Obòtò léyi bɔ́ cɔ́ ɛnvra ndɔ lɔ mɛ̀n nɔn, wole vrán eci-zrɔ bobrebe léyi ke sɩ́ trɔa, ɔmuhi nɛ̀n ẅɛn vɔ̀nshɛ́ vri, kɩ nɛ sán hán bɔ̀ nɔn.

Ɛgbànkàn mɛ̀ntɛ mɛ̀ntɛ kɛ mian bɔ̀, tɛ́n ke sɩ́ boyɛ bɔ̀ wá; bɔ́ dú ɛnkrɛ̀ta kuemɛ̀n, tɛ́n esɛ́ dú bɔ̀ ɛmɛ̀n; bɔ́ dú owú-gbànkàn mɛ̀n, tɛ́n ye sɩ̀ teze bɔ̀a; yɛ kɔ́n bɔ̀ cüe ɛnhibɩ́, tɛ́n ye sɩ̀ zrɛ́n bɔ̀.

Tɛ́n, Ɛnhɛ́n mɛ̀n nɛ̀ncüì-di-ci ndɔ lɔ dú bɔ̀ ɛmɛ̀n, kɩ bɔ̀ ẅɛn nɛ̀n anta dú ɛnsî hɔ̀n mɛ̀n, ô ye nyri kpetemɛ̀n le ɛkɔrɛ̀-srɔn vri ndɔ lɔ, dú Ɔwɔ yri và, tɛ́n kè sɩ̀ dù bɔ́ yri.

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.