Popular Bible Verses from 2 Korɛntɛ̀n anmàn-bɔ̀ 1

Share

Bɔ̀ mrɛ́n Ɔwɔ, bɔ́ Ɛẅɛnwrɔn Zhezü Krisì nɛ́n Zi, ɔwrɔn nɛ́n Zi léyi di ɛnnɛ̀ncüì ɛzrɔ mɛ̀n nɔn, Ɔwɔ léyi kɛ tán ɛnbɔrɛ-bi-wá eci lɔ fɛn mɛ̀n nɔn! Ne bi ɛnbɔrɛ wá bɔ̀, bɔ́ ɛgbànkàn hɔ̀n lɔ mɛ̀n, ô bɔ́ mán bɔ̀ bi ɛnbɔrɛ bɔ̀ wá anwrɔn léyi ke ci ɛgbànkàn bobrebe zìwú, ô bɔ̀ hɔ̀n sɩ́ yɔ ɛnbɔrɛ-bi-wá léyi bɔ̀ cɔ́ n'eyri nɔn.

Annanwɔrɛ mɛ̀n lɔ, ɔmu zri léyi bɔ̀ dú Krisì gbànkàn lɔ mɛ̀n nɔn, ɔmu zri lɔ mán de bɔ́ cɔ́ ɛnbɔrɛ-bi-wá vri Krisi mɛ̀n nɔn.

Bɔ̀ tro le owúemɛ̀n-dì dú bɔ́ tɛn. Tɛ́n, ɔmu lɔ de dù nɔn, ô bɔ́ nyrì le ke sɩ́ ji le bɔ̀ ẅɛn esɛ́ bɔ́ dùku bɔ́ ɛwú, tɛ́n Ɔwɔ wú, nɛ́n léyi ne sɩ́ owú-bɔ̀ ɔkɔrɛ-bɔ̀ mɛ̀n nɔn.

Kɩ Ɔwɔ dùku de kɛ tán bɔ̀ ecüì bɔ́ mán nyɛ́n mɛhi Krisì wúvà lɔ mɛ̀n. Ɔwɔ dùku mrɛ́n bɔ̀ nbɩ̀, nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

Ke dú kɛ bɔ́ dú ɛgbànkán mɛ̀n hô, ny'ɛnbɔrɛ-bi-wá mán ɛnkrukɔrɛ̀ léyi nyɛ lɛ cɔ̀ nɔn hɩ kruhú; ke dú kɛ bɔ́ cɔ́ ɛnbɔrɛ-bi-wá hô, ɛnbɔrɛ-bi-wá ndɔ léyi nyɛ lɛ cɔ̀ nɔn, kɛ lɛ tán nyɛ̀n ɛgbànkàn dùsɔ́ ɛnbɔrɛ-ẅɛ̀n-hɛ́n mɛ̀n, ɛgbànkàn zri léyi bɔ́ mán bɔ́ kàn nɔn.