Popular Bible Verses from Kpàkpà timote 6

Share

Ɛ̀ kɔ́n ankaẅìbùtan ankrànkràn jì; è bɩ́ ɛwúvà léyi ke sɩ́ trɔa nɔn, ɔmuhi Ɔwɔ bi mɛ́n ô è nyri ɛwúvà ndɔ lɔ ɛnvra léyi ɛ̀ dɔ́ v'ankaẅìbùtan ẅɛn ankà dalɛfuɛ-di-bɔ̀ bobrebe zìwú nɔn.

Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.

Annànwɔrɛ mɛ̀n lɔ, Ɔwɔ mɛ̀n ankaẅìbùtan ẅɛ̀n lɔ dú ɛnnɛ̀ncüì-dì vri, ke dú kɛ eci léyi ɛ ẅɛ̀n nɔn kɩ, ke dú v'ɛvɛ̀ cüɛn-ci.

Annànwɔrɛ mɛ̀n lɔ, bɔ̀ sɩ̀ sɩ̀ eci zriɛmɛ́n ɛnhibù ndɔ lɔ wú, kɩ bɔ̀ sɩ̀ ẅɛ̀n eci zriɛmɛ́n, hɩ b'á bɩ bɔ̀ hɔ̀n nɔn.

Ɛ̀ wá tán anwrɔn hɔ̀n léyi ẅɛn ɛnhibù wú nɛ̀ncüì-di-ci hɔ̀n lɔ nɔn, yɔ bɩ́ hán tùtre ci; ɛ̀ dɔ́ yɔ yɔ bɩ́ bɩ́ y'esɛ́ lɔ yɔ wá ɛnnɛ̀ncüì-di-ci ndɔ hɔ̀n léyi dú eci vàcí ci nɔn mɛ̀n, tɛ́n Ɔwɔ mɛ̀n, nɛ́n léyi nɛ tán eci lɔ fɛn kɩ nɛ́n sɩ́ wɔɛn hán nɔn, ô bɔ́ dú ɛnbɔrɛbruemɛ̀n.

Tɛ́n anwrɔn hɔ̀n léyi ke ji kè di ɛnnɛ̀ncüì nɔn, ke bru ɔwɔɛ̀n-nyan mɛ̀n, kɩ kɛ hán tán, yɔ bru ɔbrɔ̀sà ankà-tro gbàngbàn brobebe tanwrɔn mɛ̀n, kɩ ke sɩ́ anwrɔnẅì ɛmian mɛ̀n mán ɛzrɛ́n mɛ̀n.

Ɛ̀ wá tán yɔ hán anvrɛn, yɔ di ɛnnɛ̀ncüì eci ankrankran hán mɛ̀n, yɔ bɩ́ hán kɔtɛ́ ci, ô ɛci léyi yɔ ẅɛ̀n nɔn, yɔ mán yɔ nyran hɔ̀n mɛhi yɔ dɛ̀. Ɔmu lɔ, yɔ borɛ anvrɛn hán ankrankran ɛkru, kè dú ɛnvra-trɔ mùan mɛ̀n tɛn, ô yɔ cɔ́ annanwɔrɛ wúvà-kɔrɛ̀.