Popular Bible Verses from 1 Korɛntɛ̀n anmàn-bɔ̀ 15

Share

Ɔmu lɔ anwrɔn-nɛ́n-muan-ẅì hɔ̀n anvrɛnvrɛn, nyɛ́n yé ny'edomɛ̀n ô nyɛ́n nyɔn ɛshishiemɛ̀n mán ɔkɔ̀nka mɛ̀n. Nyɛ́n dú ɛnvra lɔ fɛn eci-hán mɛ̀n Ɛẅɛnwrɔn kɔ̀hɔ̀n lɔ mɛ̀n, ɔmuhi nyɛ́n nyri ɔmu le ɛgbànkàn léyi nyɛ tán ny'edomɛ̀n nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n nɔn, ke sɩ̀ zrɛ́n mrìmrì.

Tɛ́n ɛmrɛ́n dú Ɔwɔ tɛn, nɛ́n léyi nɛ tán ɔkɔ̀nkà bɔ́ Ɛẅɛnwrɔn Zhezü Krisì bɩmɛ̀n!

Nyɛ́n bɩ́ zɛ́n ankà ndɔ lɔ mɛ̀n: “Ɛnyrankru sùgbàn gbàngbàn dì dú esùnàn ankrànkràn léyi kɛ hɔ́n ɛjrɛmɛ̀n nɔn.”

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

“Owù v'ɔkɔ̀nkà lɔ towâ? Owù v'ɛkɔrɛ̀srɔn-ci wrì lɔ towâ?” Owù cɔ́ ɛkɔrɛ̀srɔn ɛgbàn tamɛ̀n kɛ̀ hán owri-kɔ̀hɔ̀n, kɩ ɛgbàn mán cɔ́ ɛkɔrɛ̀srɔn ɛnyànmàn tamɛ̀n.

Mɛ lɛ dɔ́ nyɛ̀n ankà-bán-ankà tɔ̀n: bɔ́ lɔ fɛn bɔ́ sɩ̀ wù, tɛ́n yɛ lɛ crɔn bɔ́ lɔ fɛn ɛnvra zriemɛ̀n hàn ɔmu le ye nyî anvɛ̀ kɩ yɛ gbɛ̀ nɔn hɔ́, ɛmɛẅitrɔ brɛ̀n-kù-diemɛ̀n. Ɔmuhi ɛnvra léyi ɛbrɛ̀n ke le di nkù nɔn, owú-bɔ̀ kɛ lɛ frɔ́ ô ke bɩ́ vru wúɛ, kɩ yɛ lɛ crɔn bɔ́ lɛ fɛn lɔ.

Ɔmuhi, ɔmu zri léyi owù ci ɔwrɔn tɔ̀n mɛ̀n nvà nɔn, hɩ zri lɔ, owúemɛ̀n-dùfrɔ́ mán ci ɔwrɔn tɔ̀n mɛ̀n nvà. Anwrɔnẅì lɔ fɛn ke wù, ɔmuhi yɔ mán Adamɛ̀n mɛhi yɔ bɔsɔ̀, ɔmu zri lɔ yɔ lɛ fɛn yɔ lɛ cɔ́ ɛwúvà, ɔmuhi yɔ dú Krisì bɔ̀sɔ̀ lɔ mɛ̀n nɔn

Annanwɔrɛ mɛ̀n lɔ, eci léyi dú ɛjrɛ́-ci nɔn, kè bɩ́ eci léyi ke sɩ́ jrɛ́a nɔn kɛ̀ vá edomɛ̀n; eci léyi ke wù nɔn, kè bɩ́ eci léyi kè sɩ̀ dù owú ci nɔn, kɛ̀ vá edòmɛ̀n.

Ɔmuhi ke ji le Krisì kɛ̀ ẅɛn ɛyri hàn kɩ kɛ̀ krɔn ɛnvra léyi Ɔwɔ kɛ lɛ hán n'egbri-bɔ̀ lɔ fɛn kè cüe nɛ̀n annantrɛ̀ mɛ̀n hán nɔn. Ɛmɛẅitrɔ gbri-wrɔn léyi yɛ lɛ jrɛ́ nɔn dú owù.