Popular Bible Verses from Lomaŋ 13

Share

Kɛ́lɛ, ka Kúnuu-namui Zîsɛ Kôrai siɣe kálii su. Káfe kwaa ma lɛ̀ɛ kákponôi mɛni ma a gɛ́ɛ é ǹîa-mɛni kɛ́ naa.

Núu kélee ŋɔkpa fè kɛ̀ kâa, kɛ́lɛ, ka wɛli-kɛ-maa pɛlɛ a kpa kákîe-ni dîa. Kpɛ́ni fêi, ǹúui à gɔlɛ-ma-nuui wɛ̀li a dɔ̂ŋ ŋ̀aa-see kɛ́.

Tɔɔ núu kélee è gɔmɛnɛ-ƃelai wóo mɛni. Kpɛ́ni fêi, wála-wala kélee fe naa fɛ̂ɛ e kula Ɣâla yêei, ǹyaŋ, gɔmɛnɛ-ƃelai díkaa ɣele mai, Ɣâla ƃe dísee.

gbínii a gbâa tɛɛ, ŋele-ƃɔɔi a nâa lɛɣɛ. Mɛni ma kwaa ku gbini tii píli ku ŋele-ƃɔɔi ŋɔtii-kɛ sãai siɣe.

Wɛli-kɛ-maa fa mɛni nyɔ́mɔɔ kɛ̀ a gɔlɛ-ma-nuu; mɛni ma, wɛli-kɛ-maa káa a dɔ̂ŋ ŋ̀aa-see-kɛɛ.

Zɛŋ kélee gáa a dípɔɔi, ka dɛɛ dípɔ. Ka ŋuŋ-fela-fei tɛɛ ŋuŋ-fela-fei kula-ƃela pɔ, ka sɛŋ-kao tɛɛ ǹúui pɔ gáa a bɔ́ɔi. Ka ŋumɛ-maa tɛɛ diai pɔ ŋumɛ-maa a lî dípɔi, ka ƃaa kɛ́-maa tɛ́ɛ diai pɔ ƃaa kɛ́-maa a lî dípɔi.